पश्चिमी र स्थानीय वायुको प्रभावले देशभर मौसम बदली, केही क्षेत्रमा वर्षा र हिमपात

काठमाडौँ । हाल नेपालमा पश्चिमी वायु तथा स्थानीय वायुको आंशिक प्रभाव कायम रहँदा देशका अधिकांश भागमा मौसम बदली देखिएको छ।

मौसम पूर्वानुमान महाशाखाका अनुसार कोशी प्रदेशसहित हिमाली र पहाडी भू(भागमा सामान्यतया बदली रहेको छ भने अन्य क्षेत्रमा आंशिक बदलीको अवस्था छ। कोशी प्रदेशका एक–दुई स्थानमा मेघगर्जन र चट्याङसहित मध्यम वर्षा तथा हिमपात भइरहेको छ।

आज ९सोमबार० पनि देशका पहाडी र हिमाली क्षेत्रमा सामान्य बदली रहनेछ भने तराई क्षेत्रमा आंशिक बदली रहने अनुमान गरिएको छ। सुदूरपश्चिम प्रदेशका पहाडी तथा हिमाली क्षेत्रका केही स्थानसहित अन्य पहाडी भू(भागका थोरै स्थानमा मेघगर्जन, चट्याङसहित हल्का वर्षा र हिमपात हुने सम्भावना रहेको छ।

महाशाखाले बदलिँदो मौसमका कारण सतर्कता अपनाउन तथा नियमित रूपमा मौसमी जानकारी लिन सर्वसाधारणलाई आग्रह गरेको छ।