ताप्लेजुङ। नेपालको १६औं राष्ट्रिय बिभूति फाल्गुनन्द लिङ्देनको स्मृति दिवसको दिन ताप्लेजुङको फुङलिङ बजारमा १०८ दीप प्रज्वलन गरिएको छ । राष्ट्रिय बिभूति फाल्गुनन्दको ७७औं स्मृति दिवसको दिन तोक्मेमा रहेको फाल्गुनन्दको सालिकमा उक्त दीप प्रज्वलन गरिएको हो ।
किरात धर्म तथा साहित्य उत्थान सङ्घ जिल्ला ताप्लेजुङले फाल्गुनन्दको स्मृति दिवसको दिन शान्ति मानव एकता तथा सकल प्राणी रक्षाका लागि उक्त दीप प्रज्वलन गरिएको जनाएको छ । फाल्गुनन्दको जन्म वि.सं. १९४२ कात्तिक २५ गते इलाम चारखोलाको चुक्चिनाम्बामा भएको थियो । उहाँलाई किरात समुदायमा ’महागुरु फाल्गुनन्द’ का नामबाट चिनिन्छन् । समाज सुधारका रुपमा अपरिचत फाल्गुनन्दको निधन २००५ चैत २२ गते भएको थियो ।
लिङदेनलाई नेपाल सरकारले २०६६ साल मंसिर १६ गते १६ औ राष्ट्रिय विभूतिको रुपमा घोषणा गरेको हो । नेपाल सरकारले उनको स्मरणमा २०५० सालमा हुलाक टिकट प्रकाशनमा ल्याएर सम्मान गरेको छ ।
प्रतिक्रिया