ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्ववियुमा निर्वाचित

ताप्लेजुङ । ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्वतन्त्र विद्यार्थी युनियन (स्ववियु) मा निर्वाचित हुनुभएको छ । सोमवार सम्पन्न भएको त्रिभुवन विश्वविद्यालय केन्द्रीय क्याम्पसको स्ववियुको निर्वाचनमा मा सञ्चमाया सुब्बा र पासाङ किपा शेर्पा निर्वाचित हुनुभएको हो । 

सञ्चमाया सुब्बा स्ववियुको कोषाध्यक्षमा निर्वाचित हुनुभएको छ । उहाँको घर ताप्लेजुङको फक्ताङलुङ गाउँपालिका हो । यस्तै पासाङ किपा शेर्पा सदस्य पदमा निर्वाचित हुनुभएको छ ।

उहाँको घर ताप्लेजुङको मिक्वाखोला गाउँपालिका हो । सुब्बा अनेरास्ववियुको तर्फबाट कोषाध्यक्षमा निर्वाचित हुनुभएको हो भने शेर्पा नेपाल विद्यार्थी सङ्घको तर्फबाट सदस्य पदमा निर्वाचित हुनुभएको छ ।