मेरिङ्देनको दुई विद्यालयका विद्यार्थीमा देखिएको समस्या भाइरल इन्फ्लुएन्जा ‘ए’ भएको पुष्टि



ताप्लेजुङ। ताप्लेजुङको मेरिङ्देन गाउँपालिकाका दुई विद्यालयका विद्यार्थीमा देखिएको समस्या भाइरल इन्फ्लुएन्जा ‘ए’ को भएको पुष्टि भएको छ । मेरिङदेन गाउँपालिकाको वडा नं. ५ थुकिमाका दुई विद्यालयका विद्यार्थीमा देखिएको स्वास्थ्य समस्या पछि त्यहाँका बिरामी विद्यार्थीको स्वाव सङ्कलन गरी परीक्षणका लागि विराटनगर पठाइएकोमा १० जनाको परीक्षण प्रतिवेदन आएको हो ।

स्वास्थ्य कार्यालय ताप्लेजुङका ल्याव टेक्निसियन निरीक्षक उदयनारायण दुलालका अनुसार १० जनाको स्वाव परीक्षण प्रतिवेदन प्राप्त भएकोमा ७ जनामा भाइरल इन्फ्लुएन्जा ‘ए’ भएको पुष्टि भएको छ । स्वाव सङ्कलन गरिएका मध्ये परीक्षण गरिएका १० जनामा कोरोना सङ्क्रमण र इन्फ्लुएन्जा ‘बी’ नदेखिएको प्रतिवेदन प्राप्त भएको स्वास्थ्य कार्यालयले जनाएको छ ।

कोशी प्रदेश जनस्वास्थ्यका निर्देशक प्रकाश कार्कीले स्वाव परीक्षणका क्रममा भाइरल इन्फ्लुएन्जा ‘ए’ का बिरामी बढी देखिएपनि यो कुनै आत्तिनुपर्ने समस्या नभएको जानकारी दिनुभयो । विद्यार्थी बिरामी भएपछि ताप्लेजुङको मेरिङदेन गाउँपालिकाका दुई विद्यालय तीन दिनका लागि बन्द गरिएको छ ।

मेरिङदेन गाउँपालिका ५ थुकिमाका त्रिभुवन माध्यमिक विद्यालय र जन ज्योति आधारभूत विद्यालयका तीन सय बढि विद्यार्थी सहित केही शिक्षकहरू बिरामी भए पछि तीन दिनको लागि विद्यालय बन्द गरिएको छ । विद्यार्थीहरूमा ज्वरो आउने, खोकी लाग्ने, टाउको दुख्ने, र पेट दुख्ने जस्ता लक्षण देखिएको थियो ।

भाइरल इन्फ्लुएन्जा भाइरसले फ्लु जस्ता सङ्क्रमणका कारणले यस्तो अवस्था हुनसक्ने भएको भन्दै परीक्षणका लागि विराटनगरबाट किट झिकाइएको र सो नमुना परीक्षण ल्याब टेस्टका लागि विराटनगर पठाइएको थियो ।

प्रकाशित मिति : १९ फाल्गुन २०८१, सोमबार १९:२१

सिकाईमैत्री बिद्यालय निर्माण गर्न मैवाखोलामा सिकाईमैत्री कार्यशाला सुरु

रेडियो काबेलीताप्लेजुङ । गुणस्तरीय शिक्षाका लागि सिकाईमैत्री बिद्यालयहरु निर्माण गर्न

भारत सरकारको सहयोगमा मिक्वाखोलामा विद्यालय भवन बन्ने

रेडियो काबेलीताप्लेजुङ । जिल्लाको मिक्वाखोला गाउँपालिकामा भारत सरकारको सहयोगतमा विद्यालय

छैटौँ ताप्लेजुङ बज्र गुरु मन्त्रजप कार्यक्रमको तयारी पुरा

ताप्लेजुङ । शनिबारबाट सुरु हुने छैटौँ ताप्लेजुङ बज्र गुरु मन्त्रजप

लिम्बु कथानक चलचित्र “सुगुप” बेलायतमा पाँचौँ पटक प्रदर्शन हुँदै

काठमाडौं । लिम्बु कथानक चलचित्र “सुगुप” बेलायतमा पाँचौं पटक प्रदर्शन

ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्ववियुमा निर्वाचित

ताप्लेजुङ । ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्वतन्त्र