ताप्लेजुङ । ताप्लेजुङको सदरमुकाम फुङ्लिङमा लिम्बू जातिको संस्कृति झल्कने धान नाच स्तम्भ (ताक्वाचङ या–राक्मा तेन) को उद्धघाटन गरिएको छ । सदरमुकाम फुङ्लिङको तोक्मेडाँडामा करिब ८० लाखको लागतमा निर्मित धान नाच स्तम्भको आज उद्घाटन गरिएको हो ।
धान नाच स्तम्भ किराँत याक्थुङ चुम्लुङ इजरायल शाखाको आर्थिक सहयोगमा किराँत याक्थुङ चुम्लुङ ताप्लेजुङ र ताक्वाचङ या–राक्मा तेन निर्माण समिति ताप्लेजुङको व्यवस्थापनमा संयुक्त रुपमा निर्माण गरि उद्घाटन गरिएको हो । पछिल्लो समय आधुनिकताको प्रभावसँगै मौलिक संस्कार संस्कृति लोप हुँदै गएको अवस्थामा धान नाच स्तम्भ निर्माण गरिएको चुम्लुङ ताप्लेजुङकी अध्यक्ष इन्दिरा मेन्याङबोले बताउनुभयो ।
यस्तै, जिल्लाको पर्यटन प्रवर्द्धनमा पनि टेवा पुग्ने अपेक्षा गरिएको छ । नवनिर्मित स्तम्भमा दुई पुरुष र दुई जना महिलाले धान नाच प्रस्तुत गर्दै गरेको देखाइएको छ । धान नाच स्तम्भसँगै पृष्ठभूमिमा कञ्चनजङ्घा हिमाल, कुम्भकर्ण हिमाल र प्रसिद्ध धार्मिक स्थल पाथीभराको प्रतिमा देखिनेगरी डिजाइन (आकृति) तयार पारिएको छ ।
लिम्बू जातिको संस्कृतिमा आधारित धान नाच वैवाहिक लगायतका क्रियाकलापमा नाच्ने गरिन्छ । यवायुवती सहित सबै उमेरका मानिसले एकअर्काको हात समाएर पालाम ९लिम्बू संस्कृतिमा आधारित गीत० गाउँदै धान नाच्ने गरिन्छ । मौलिक सांस्कृतिक कार्यसँगै विभिन्न मेला, महोत्सव सहितका कार्यक्रममा लिम्बू जाति र अन्य समुदायका मानिसले समेत धान नाच्ने गर्दछन् । स्तम्भको उद्घाटन कार्यक्रममा धान नाच, च्याबुङ नाच (केःलाङ) समेत प्रस्तुत गरिएको थियो ।
प्रतिक्रिया