रेडियो काबेली
ताप्लेजुङ । फुङलिङ नगरपालिकाले जिल्ला प्रहरी कार्यालयलाई एक थान मोटरसाईकल हस्तान्तरण गरेको छ । नगरपालिकाले सामुदायिक प्रहरी साझेदारी कार्यक्रम अन्तरगत गस्ती प्रयोजनका लागि मोटरसाईकल हस्तान्तरण गरेको हो । उक्त मोटरसाईकल सिम्ले प्रहरी चौकीलाई हस्तान्तरण गरिएको जिल्ला प्रहरी प्रमुख एवं प्रहरी नायव उपरिक्षक रवि रावलले जानकारी दिनुभयो ।
सिम्ले प्रहरी चौकीले गस्ती गर्नु पर्ने दुरी लामो भएको तर कुनै पनि यातायातको साधन नभएको अवस्थामा नगरपालिकासँग माग गरिए अुनसार नगरपालिकाले मोटरसाईकल उपलब्ध गराएको प्रहरी नायव उपरीक्षक रावलको भनाई छ । मंगलबार नगर प्रमुख अमिर मादेनले प्रहरी प्रमुख रावललाई हस्तान्तरण गर्नुभए सँगै उक्त मोटरसाईकल सिम्ले प्रहरी चौकीलाई हस्तान्तरण गरिएको छ । मोटरसाईकलले प्रहरीलाई गस्ती गर्न सहज हुने नगरपालिकाको विश्वास रहेको छ ।
प्रतिक्रिया