रेडियो काबेली
ताप्लेजुङ । कर्मचारी मिलन केन्द्र ताप्लेजुङको अध्यक्षमा सहायक प्रमुख जिल्ला अधिकारी सन्दीपा खड्का चयन हुनुभएको छ । शनिबार भएको १३ औँ साधारणसभाले खड्कालाई सर्वसम्मत अध्यक्ष चयन गरेको हो । केन्द्रको उपाध्यक्षमा कोष नियन्त्रक गणेशकुमार पोखरेल,सचिवमा नापी कार्यालय ताप्लेजुङका प्रमुख रजिता श्रेष्ठ, सहसचिवमा जलस्रोत तथा सिचाँई डिभिजन कार्यालय ताप्लेजुङका प्रमुख बिशाल पोख्रेल र कोषाध्यक्षमा जिल्ला हुलाक कार्यालयमा निमित्त प्रमुख नवराज गिरी रहनु भएको छ ।
त्यस्तै सदस्यहरुमा शिक्षा विकास तथा समन्वय ईकाई प्रमुख योगेश्वर भट्टराई,नेपाल बैंक लिमिटेड ताप्लेजुङ शाखाका प्रवन्धक बसुन्धरा आचार्य,निमित्त जिल्ला समन्वय अधिकारी युवराज पौडेल, फुङलिङ नगरपालिकाको लेखा शाखा प्रमुख दिनेश भण्डारी, जिल्ला प्रशासन कार्यालयका नायव सुब्बा रमेश अधिकारी,पाथीभरा याङवरक गाउँपालिकाका लेखा शाखा प्रमुख गोपाल भट्टराई रहनु भएको छ । कर्मचारी मिलन केन्द्र ताप्लेजुङ जिल्लामा रहेर विभिन्न क्षेत्रमा कार्यरत कर्मचारीहरुलाई एकतावद्ध गर्ने संस्था हो ।
प्रतिक्रिया