लागु औषध सम्बन्धि अन्तरक्रिया कार्यक्रम सम्पन्न




रेडियो कोबली
ताप्लेजुङ ।
फुङलिङ नगरपालिकामा बुधबार लागु औषध सम्बन्धि अन्तरक्रिया कार्यक्रम सम्पन्न भएको छ । नगरपालिकाको आयोजना तथा चेतना नेपाल झापा र होप फर अल ताप्लेजुङको प्राबिधिक सहयोगमा लागू औसध दुव्र्यशन सम्बन्धि जनप्रतिनिधि,सुरक्षा निकाय, शैक्षिक सस्थाहरु सङ्ग कार्यक्रम सम्पन्न भएको हो ।

कार्यक्रममा जिल्ला प्रहरी कार्यालय ताप्लेजुङका प्रहरी नायव उपरिक्षक रवि रावलले पछिल्लो ३० वर्षको लागु पदार्थ दुव्र्यशनीको अवस्थालाई हेर्दा जिल्लामा २० देखी ३० वर्षको उमेर समुहका प्रयोगकर्ता धेरै रहेको बताउनुभयो । साथै उहाँले चालु आर्थिक वर्षको हालसम्म ५ वटा लागु पदार्थ सम्बन्धी मुद्धा दर्ता भई ५ वटै मुद्धामा ५ जनालाई पक्राउ गरी कारबाही अगाडी बढेको जानकारी दिनुभयो ।

आफ्नो बच्चा विशेष गरी कक्षा ८ मा पुगेपछि के गर्दै छ ? कहाँ जाँदैछ ? के खाँदैछ ? बिचार गर्न अभिभावकलाई प्रहरी नायव उपरिक्षक रावलले आग्रह गर्नुभयो । गत वर्षको माध्यमिक परिक्षा (एसईई)को नतिजामा अनुतिर्ण भएपछि मेरिङदेन गाउँपालिकामा भएको दुःखद घटनालाई स्मरण गराउँदै पछिल्लो समय मानसिक स्वास्थ्यलाई ध्यान दिनु जुरुरी रहेको उहाँको भनाई छ ।

त्यस्तै कार्यक्रममा बोल्दै प्रमुख जिल्ला अधिकारी नरेन्द्र शर्मा पौडेलले लागुपदार्थ दुव्र्यशनीको अन्त्य गरि सभ्य र सुसँस्कृत समाजको निर्माण गर्न परिवार, समाज, विद्यालय साथै हरेक क्षेत्रले निगरानी गर्नुपर्ने बताउनुभयो । त्यस्तै फुङलिङ नगरपालिका उप–प्रमुख भिमादेवी ओझाले होप फर अलले लागु पदार्थ दुव्र्यशनीको अन्त्य गर्न गरि रहेको कामको प्रशंसा गर्दै थप सहकार्य गर्न नगरपालिका तयार रहेको बताउनुभयो ।


त्यस्तै नगर प्रमुख अमिर मादेनले केबलकार निर्माणको विषय तर्फ ईङ्गित गर्दै सरकारले निर्माणको लागि स्विकृति दिएको सन्दर्भमा त्यहाँको सुरक्षाको ग्यारेन्टी सरकारले लिनुपर्ने बताउनुभयो । साथै उहाँले होप फर अलसँगको समन्वयमा नगरका हरेक वडाको विद्यालयस्तरमा कार्यक्रम गर्न आर्थिक सहयोग गर्ने प्रतिवद्धता जनाउनुभयो ।

प्रकाशित मिति : १० पुष २०८१, बुधबार २०:२४

सिकाईमैत्री बिद्यालय निर्माण गर्न मैवाखोलामा सिकाईमैत्री कार्यशाला सुरु

रेडियो काबेलीताप्लेजुङ । गुणस्तरीय शिक्षाका लागि सिकाईमैत्री बिद्यालयहरु निर्माण गर्न

भारत सरकारको सहयोगमा मिक्वाखोलामा विद्यालय भवन बन्ने

रेडियो काबेलीताप्लेजुङ । जिल्लाको मिक्वाखोला गाउँपालिकामा भारत सरकारको सहयोगतमा विद्यालय

छैटौँ ताप्लेजुङ बज्र गुरु मन्त्रजप कार्यक्रमको तयारी पुरा

ताप्लेजुङ । शनिबारबाट सुरु हुने छैटौँ ताप्लेजुङ बज्र गुरु मन्त्रजप

लिम्बु कथानक चलचित्र “सुगुप” बेलायतमा पाँचौँ पटक प्रदर्शन हुँदै

काठमाडौं । लिम्बु कथानक चलचित्र “सुगुप” बेलायतमा पाँचौं पटक प्रदर्शन

ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्ववियुमा निर्वाचित

ताप्लेजुङ । ताप्लेजुङका दुई जना त्रिभुवन विश्वविद्यालय केन्द्रीय क्याम्पसको स्वतन्त्र