रेडियो काबेली
ताप्लेजुङ । लैङ्गिक हिंसा विरुद्धको १६ दिने अभियान अन्तरगत शुक्रबार जिल्ला अस्पताल ताप्लेजुङका बिरामीलाई खानेकुरा वितरण गरिएको छ । फुङलिङ नगरपालिकाको आयोजनामा मनाई रहेको अभियान अन्तरगत तमोर महिला कृषि सहकारीले जिल्ला अस्पताल ताप्लेजुङका सुत्केरी तथा बिरामीहरुलाई अण्डा, दुध र विस्कुट वितरण गरिएको सहकारीकी अध्यक्ष निता सिवाले जानकारी दिनुभयो ।
उहाँका अुनसार बिरामीहरुको सिघ्र स्वास्थ्य लाभको कामना सहित खानेकरा वितरण गरिएको हो । हरेक वर्ष नोभेम्बर २५ देखी डिसेम्बर १० तारिख सम्म अन्तराष्ट्रिय रुपमा मनाईने यो अभियान यस वर्ष “हामी सबैको प्रतिवद्धताः लैङ्गिक हिंसा अन्त्यको लागि प्रतिवद्धता” भन्ने राष्ट्रिय नाराका साथ मनाईदैँछ ।
यस अभियान अन्तरगत फुङलिङ नगरपालिकाले जनचेतनामुलक नाटक, अन्तरक्रिया, होर्डिङ बोर्ड, फलफुल वितरण, वक्तृत्वकला कार्यक्रम लगायत गर्ने जनाएको छ । जस अन्तरगत नगर उप–प्रमुख एव मुल आयोजक समिती संयोजक भिमादेवी ओझाका अुनसार शनिबार बिहान ७ः३० बजे तोक्मेडाँडामा लैङ्गीक हिंसा बिरुद्ध जनचेतना जगाउने नाटक प्रर्दशन हुनेछ
प्रतिक्रिया