रेडियो काबेली
ताप्लेजुङ । जिल्लाको फक्ताङलुङ गाउँपालिकामा मौरीले टोक्दा एक जना घाईते हुनुभएको छ । घाईते हुनेमा पालिकाको वडा नंं. ७ ओलाङचुङगोलाका बर्ष ३७ को तेन्जिङ डण्डु शेर्पा रहनु भएको जिल्ला प्रहरी कार्यालय ताप्लेजुङका सुचना अधिकारी एवं प्रहरी निरीक्षक विवेक बस्नेतले जानकारी दिनुभयो ।
उहाँका अनुसार शेर्पालाई याक लिएर लेक जाने क्रममा आईतबार मेराक जंगलमा मौरी प्रजातीको साङपाङले टोक्दा घाईते हुनुभएको हो । शेर्पालाई श्वास प्रश्वासमा समस्या रहेको र घरमा लगि प्राथमिक उपचार भईरहेको साथै अवस्था मध्यम रहेको प्रहरीको भनाई छ ।
प्रतिक्रिया