रेडियो काबेली
ताप्लेजुङ । ताप्लेजुङको फुङलिङ नगरपालिका क्षेत्र भित्र आज (शुक्रबार) बाट कुनै पनि राजनीतिक दल, संघसंस्था, समूहले यातायात, शैक्षिक संस्था अबरोध तथा बन्द गर्न नपाउने भएका छन् । शुक्रबार भएको नगरपालिकाको ४५ औँ कार्यपालिका बैठकले उक्त निर्णय गरेको नगर प्रमुख अमिर मादेनका स्वकीय सचिव अञ्चल गुरुङले जानकारी दिनुभयो ।
नेपालीहरुको महान चाडपर्वहरु आउन लागेको साथै पाथीभराको सिजन सुरु भएकाले तीर्थयात्रीहरुको व्यवस्थापनमा सहजताका लागि साथै विद्यालय तथा शैक्षिक संघसस्थामा कुनै अवरोध नहोस भन्ने उद्देश्यले उक्त निर्णय गरिएको नगरपालिकाले जनाएको छ । उक्त निर्णय कार्यान्वयनका लागि प्रहरी प्रशासन साथै सम्बन्धित सबै पक्षलाई सहयोग गर्न नगरपालिकाले आग्रह समेत गरेको छ ।
प्रतिक्रिया