अखिल क्रान्तिकारी ताप्लेजुङको १२ औँ जिल्ला सम्मेलन सुरु

ताप्लेजुङ । अखिल नेपाल स्वतन्त्र विद्यार्थी युनियन (क्रान्तिकारी) ताप्लेजुङको जिल्ला सम्मेलन सुरु भएको छ । बिहीबारदेखि सदरमुकाम फुङ्लिङम नयाँ जिल्ला समिति चयन गर्नेगरी १२ औं जिल्ला सम्मेलन सुरु भएको हो । नेकपा (माओवादी केन्द्र) का केन्द्रीय सदस्य तथा ताप्लेजुङ इन्चार्ज खेलप्रसाद बुढाक्षेत्री (पराग) ले जिल्ला सम्मेलनको उद्घाटन गर्नुभएको छ ।

सम्मेलनमार्फत नयाँ जिल्ला समिति चयन गरिने अखिल क्रान्तिकारी जिल्ला सम्मेलन आयोजक समितिका संयोजक झरेन्द्र तिवारीले जानकारी दिनुभयो । उहाँका अनुसार अधिकतम् ५१ सदस्यीय जिल्ला समिति रहने संगठनको विधानमा भएको व्यवस्थाबमोजिम नयाँ समिति सर्वसम्मत चयन गर्नेगरी तयारी रहेको छ ।