पहिरो प्रभावित सहित ७ परिवारलाई प्रदेशसभा सदस्य खगेनसिं हाङगामको पहलमा आर्थिक सहयोग 



ताप्लेजुङ । ताप्लेजुङको फक्ताङलुङ गाउँपालिका स्थित पहिरो प्रभावित सहित ७ परिवारलाई प्रदेशसभा सदस्य खगेनसिं हाङगामको पहलमा आर्थिक सहायता रकम प्रदान भएको छ । गएको असार अन्तिम तथा साउनको सुरुवाती समयमा अविरल वर्षा सँगै गएको पहिरोबाट विस्थापित बनेका फक्ताङलुङ गाउँपालिकाका २ का ६ परिवारलाई प्रदेशसभा सदस्य हाङगामको पहल एवम् ताप्लेजुङ युवा समाज हङकङको सहयोगमा मङ्गलबार आर्थिक रकम हस्तान्तरण गरिएको छ । 

पहिरोले घर सहित बगाएर निधन भएका फक्ताङलुङ गाउँपालिकाका रामबहादुर साम्राका आफन्तलाई १ लाख ८० हजार, पहिरोले विस्थापित बनेका सोही ठाउँका मिङ्मा तेन्जिङ शेर्पालाई १ लाख र अन्य घरमा क्षति पुगेका सम्भू शेर्पा, योगेन्द्र साम्रा साथै सन्तोष शेर्पालाई ११ हजार रुपैयाँका दरले आर्थिक सहायता प्रदान गरिएको हो । 

यस्तै आठराई त्रिवेणी गाउँपालिका २ का मुटुको बिरामी विनिता र गंगा श्रेष्ठको उपचारार्थ ३० हजार रुपैयाँ सहयोग गरिएको हाङगामले बताउनुभयो । उक्त रकम नेपाली काँग्रेसको पार्टी कार्यालयमा आयोजित कार्यक्रमका बीच प्रदेशसभा सदस्य हाङगाम, जिल्ला पार्टी सभापति गजेन्द्रप्रसाद तुम्याहाङले संयुक्त रुपमा हस्तान्तरण गर्नुभयो । 

ताप्लेजुङ घर भई हङकङमा बसोबास गर्ने पिताम्बर थलङ, बेनु नेयोङ्हाङ, सुमन श्रेष्ठ, भरत हाङ्गाम र रमेश लिम्बूको सहयोग तथा समन्वयमा रकम सङ्कलन भएको थियो । उक्त रकम वितरणका क्रममा पार्टी सभापति तुम्याहाङले जिल्लामा प्राकृतिक विपत्तिका समयमा सहयोग जुटाउन पहल गर्दै आएकोमा प्रदेशसभा सदस्य हाङ्गाम सहित सहयोगी सबैलाई पार्टीका तर्फबाट धन्यवाद समेत व्यक्त गर्नुभयो । 
 

प्रकाशित मिति : ११ भाद्र २०८१, मंगलवार १७:५२

तरुण दल मिक्वाखोला अध्यक्षमा राजन कार्की

रेडियो काबेलीताप्लेजुङ । नेपाल तरुण दल मिक्वाखोला गाउँपालिका अध्यक्षमा राजन

फक्ताङलुङमा करेन्ट लागेर एकको मृत्यु

रेडियो काबेलीताप्लेजुङ । जिल्लाको फक्ताङलुङ गाउँपालिकामा करेन्ट लागेर एकजना मृत्यु

ताप्लेजुङमा वार्षिक समीक्षा तथा असल अभ्यास आदान प्रदान कार्यक्रम सुरु

साहारा लिम्बू ताप्लेजुङ, भदौ १५ गते । ताप्लेजुङमा वार्षिक समीक्षा तथा

वाइसिएलद्धारा फक्ताङ्लुङको शहीद पार्क र गुम्बामा वृक्षरोपण

ताप्लेजुङ, भदौ १४ गते । योङ्ग कम्युनिष्ट लिग (वाइसिएल) नेपाल

नेपाल बार एसोसिएसन ताप्लेजुङको अध्यक्षमा बलराम भट्टराई चयन

रेडियो काबेलीताप्लेजुङ । नेपाल बार एसोसिएसन जिल्ला अदालत एकाई ताप्लेजुङको