जबरजस्ती करणीको आरोपमा फुङलिङका एक जना पक्राउ 

ताप्लेजुङ । मानसिक सन्तुलन ठिक नभएकी ४७ वर्षीय महिलालाई जमिनमा लडाइ जबरजस्ती करणी गर्ने प्रयास गरेको आरोपमा प्रहरीले एकजनालाई पक्राउ गरेको छ । 

फुङलिङ नगरपालिकाका २६ वर्षीय आशिष  प्राङदेनलाई श्रावण १४ गते जबरजस्ती करणी गर्ने प्रयास गरेकोको आरोपमा आफ्नै घरबाट पक्राउ गरिएको जिल्ला प्रहरी कार्यालय ताप्लेजुङका सूचना अधिकारी एवं प्रहरी निरीक्षक कमल कुमार लुङ्गेलीले जानकारी दिनुभयो । 

उहाँका अनुसार जिल्ला अदालत ताप्लेजुङका न्यायाधीश निर्मला योङयाको इजलासबाट श्रावण १५ गते पाँच दिनको म्याद थप गरी अनुसन्धान भई रहेको छ ।