रेडियो काबेली
ताप्लेजुङ । जिल्लाको पाथीभरा याङवरक गाउँपालिकामा भरुवा बन्दुक सहित एक जनालाई प्रहरीले पक्राउ गरेको छ । पक्राउ पर्नेमा पालिकाको वडा नंं. ४ डुम्रिसे निवासी ४२ वर्षीय नरेश खोयाहाङ (लिम्बु) रहेको जिल्ला प्रहरी कार्यालय ताप्लेजुङका प्रमुख तथा प्रहरी नायव उपरीक्षक रवि रावलले जानकारी दिनुभयो ।
उहाँका अुनसार डुम्रिसे स्थित पिप्लेश्वरी आधारभुत विद्यालय अगाडी लोड गरिएको एक थान भरुवा बन्दुक, बन्दुकमा प्रयोग हुने बारुद ५७ ग्राम, गोली जस्तो बस्तु एकथान, काँटी सहित सलाईको बट्टा ६ थान र खुकुरी एक थानसहित लिम्बुलाई पक्राउ गरिएको हो । लिम्बुलाई जिल्ला अदालत ताप्लेजुङमा ७ दिनको म्याद थप गरि अनुसन्धान भई रहेको प्रहरीले जनाएको छ ।
प्रतिक्रिया