ताप्लेजुङ । मैवाखोला गाउँपालिका वडा नं. १ सुर्बिरे र मेरिङदेन गाउँपालिका जोड्ने झोलुङ्गे पुलको काम अन्तिम चरणमा पुगेको छ । मैवाखोला गाउँपालिका र टि भि एस यू हेल्प स्टार नेपालको संयुक्त लगानीमा निर्माण भइरहेको उक्त झोलुङ्गे पुलको निर्माण कार्य अन्तिम चरणमा पुगेको हो ।
पुलको निर्माण कार्य उपभोक्ता समिति मार्फत हुँदै आएको छ । उपभोक्ता समितिले असारको १० गते सम्म काम सक्ने गरि पुल निर्माणका लागि गाउँपालिका सङ्ग सम्झैता गरेको थियो । उक्त पुलको लम्बाई ८५ मिटर रहेको छ । पुलको कुल लागत ४६ लाख ३ हजार ३ सय ९० रुपैयाँ रहेको छ ।
गत सालको असार २ गते आएको बाढीले उक्त स्थानमा रहेको झोलुङ्गे पुल बगाएको थियो । यो पुल मैवाखोलामा थापिएको मध्ये सबैभन्दा पुरानो पुल पनि हो।
प्रतिक्रिया