ताप्लेजुङको आठराई त्रिवेणीमा करेन्ट लाग्दा एक घाईते

ताप्लेजुङ । ताप्लेजुङ जिल्लाको आठराई त्रिवेणी गाउँपालिकामा करेन्ट लागेर एकजना घाईते हुनु भएको छ । जिल्ला प्रहरी कार्यालय ताप्लेजुङका प्रहरी निरीक्षक एवंम् सुचना अधिकारी कमल कुमार लुङ्गेलीका अनुसार घाईत हुनेमा आठराई त्रिवेणी गाउँपालिकामा कार्यरत ४० वर्षीय कर्मचारी दिपक भट्टराई रहनु भएको छ ।

उहाँका अुनसार आज बिहान १०ः ३० बजे गाउँपालिकाको कार्यालय जाने क्रममा पालिकाको वडा नं. २ खुवा स्थित बाटोमा मे.१ ब ५०७ नम्बरको मोटरसाईकलमा जाने क्रममा बाटोमा चुडिएको बिजुली तारले करेन्ट लागेर घाईते हुनु भएको हो । घाईतेलाई प्रहरीले उद्धार गरी दाजु लोकराज भट्टराईको साथमा उपचारका लागि जिल्ला अस्पताल ताप्लेजुङ लगिएको प्रहरी निरीक्षक लुङ्गेलीले जानकारी दिनुभयो ।