पहिरोले मिक्वाखोलाको पापुङका तीन परिवार विस्थापित

रेडियो काबेली
ताप्लेजुङ । शनिबार बिहान गएको पहिरोले मिक्वाखोला गाउँपालिका–५ पापुङको ताङ्खुका तीन परिवार विस्थापित भएका छन् । जिल्ला प्रहरी कार्यालय ताप्लेजुङ प्रहरी नायव उपरिक्षक रवि रावलका अनुसार ताङ्खुका आइतविर लिम्बु, छिमेकी मनकुमार लिम्वु र मोहन लिम्वुको परिवार विस्थापित भएका हुन् ।

ताङ्खुको आमछाङ खोल्सामा छ÷सात सय मिटर माथिबाट बाढीसँगै आएको पहिरोले तीन परिवारका १९ जना विस्थापित गराएको र उनीहरुलाई खड्गबहादुर लिम्वुको घरमा राखिएको प्रहरी नायव उपरीक्षक रावलले जानकारी दिनुभयो
पहिरोले कुखुरा लगायतका पशु चौपायमा क्षति पु¥याएको र विस्थापितलाई सुरक्षित स्थानमा सार्ने कार्य भईरहेको मिक्वाखोला गाउँपालिकाका वडा नं. ५ का वडा अध्यक्ष ज्ञान्जे शेर्पा जानकारी दिनु भयो ।

शेर्पाले भन्नुभयो,“ पहिरोले कुखुरा लगायतका पशु चौपायमा क्षति पु¥याएको छ । विस्थापितलाई सुरक्षित स्थानमा सार्ने कार्य भईरहेको छ । अपत्यारिलो ठाउँमा पहिरो गएकोले हामी छक्क परेका छौँ । पहिरो फेरी पनि जाने सम्भावन देखिएकाले पहिरोको धार परिर्वतन गर्ने काम जेसिवी लगाएर भईरहेको छ । उक्त स्थानमा दिउँसो बसेपनि राति भने बस्न सकिने अवस्था छैन ।”