कोसीको नीति तथा कार्यक्रममा कांग्रेस सांसदको धारणा : ‘अब पनि नसच्चिए प्रदेशको भविष्य रहँदैन’



विराटनगर । कोसी प्रदेश सरकारले सदनमा प्रस्तुत गरेको नीति तथा कार्यक्रममाथिको छलफलमा कांग्रेस सांसद सहभागी भएका छन् । बुधबार बैठकमा कांग्रेस सांसदहरूले नीति तथा कार्यक्रममाथि आफ्नो धारणा राखेका हुन् ।

गोपाल तामाङ
कांग्रेस कोसी संसदीय दलका प्रमुख सचेतक गोपाल तामाङले आफूहरू नसच्चिएसम्म प्रदेशको भविष्य नहरने बताए । “हामी नसच्चिएसम्म प्रदेशको भविष्य कायम रहन सक्दैन । ताकत राख्यौँ भनेमात्र जनताप्रति उत्तरदायी र जनताप्रति जवाफदेही हुन सक्छौँ,” उनले भने ।

उनले नीति तथा कार्यक्रममा कृषि र पर्यटन क्षेत्रलाई जोड दिनुपर्ने बताए । “कार्यक्रम सुनौलो बनाउने हो । तर, त्यतिखेर सान्दर्भिक हुन्छ, जब यसले बजेटलाई छुन्छ । कार्यान्वयन भएमात्र सार्थक हुन्छ,” उनले भने, “सुपारी कृषकले सुपारी प्रशोधन गरेको सुपारी बजारमा लगेर बेच्न पाइरहेका छैनन् । यो क्षेत्रले रोजगारी सिर्जना गरेको छ, तर किसानलाई दुःख छ ।”

गयानन्द मण्डल
सांसद गयानन्द मण्डल किसानलाई सिँचाइ सुविधा उपलब्ध गराउने गरी भूमिगत सिँचाइमा बढी ध्यान दिनुपर्ने बताए । “भण्टाबारीदेखि काकरभिट्टासम्म योजना ल्याउनुपर्छ । अलग बजेट चाहिन्छ । कसरी गर्ने रु बोरिङ गाडेर किसानलाई सिँचाइ दिनुपर्छ । दुई सय बिघामात्र होइन, अब धेरै चैतेधान लगाउन सकिन्छ,” उनको जोड थियो ।

खगेनसिंह हाङगाम
कांग्रेस सांसद खगेनसिंह हाङगामले पर्यटन प्रवर्धनका लागि सरकारले ध्यान दिनसके आन्तरिक आम्दानी बढाउन सक्ने बताए । “ऐतिहासिक सम्पदा पर्यटन प्रवर्धनका लागि कुन मोडालिटीबाट विकास गर्ने भन्ने प्रस्ट हुनुपर्छ । कृत्रिमभन्दा पनि बढी प्राकृतिक हिसाबले अघि बढ्नुपर्छ,” उनले भने ।

मैया श्रेष्ठ
सांसद मैया श्रेष्ठले रतुवाखोलामा तराईमा पुल बनाउने काम हुने गरेको तर कोसी पहाडमा त्यही खोलामा हुने बाढी पहिरो नियन्त्रणका लागि काम हुन नसकेको बताइन् । “जनताको जिउधन जोगाउने काम गर्नु हुँदैन रु नीति कार्यक्रमले पहाड र दूरदराज केन्द्रित हुनुपर्छ । पहाडका अस्पतालमा चिकित्सक पठाउने योजना आउनुपर्छ,” उनले भने ।

प्रकाशित मिति : २४ जेष्ठ २०८१, बिहीबार १०:५४

मैवाखोला गाउँपालिकामा ट्याक्टर दुर्घटनामा परि एक जनाको मृत्यु

ताप्लेजुङ। ताप्लेजुङको मैवाखोला गाउँपालिकामा ट्याक्टर दुर्घटनामा परि एक जनाको मृत्यु

जन्मदिनको अवसरमा फक्ताङलुङ उपाध्यक्ष लिम्बुले गरे मनसुन प्रभावितलाई खाद्यान्न वितरण

ताप्लेजुङ । ताप्लेजुङको फक्ताङलुङ गाउँपालिका उपाध्यक्ष विकास साम्रा लिम्बु (रविन)

ताप्लेजुङमा मनाइयो सिसेक्पा तङ्नाममा

ताप्लेजुङ। साउने सङ्क्रान्तिलाई किराँत लिम्बू समुदायले ‘सिसेक्पा तङ्नाम’ भन्ने गर्दछन्।

तोक्पेगोला पर्यटन तथा चौरी महोत्सव २०८१ साउन २५ गतेदेखी हुने

एलिना दियालीताप्लेजुङ । तोक्पेगोाल पर्यटन तथा चौरी महोत्सव २०८१ हुने

एक वर्षमा २ लाख ३१ हजार बढी तिर्थयात्री पाथीभरामा आए

ताप्लेजुङ। प्रसिद्ध तिर्थस्थल पाथीभरामा गत आर्थक वर्षमा २ लाख ३१