ताप्लेजुङमै पहिलो पटक मैवाखोलामा भोलिदेखि वृहत शिक्षा सम्मेलन हुँदै



ताप्लजुङ । ताप्लेजुङको मैवाखोला गाउँपालिकामा भोलिदेखि वृहत शिक्षा सम्मेलन सुरु हुँदैछ । जिल्लामै पहिलो पटक मैवाखोला गाउँपालिकाको शिक्षा युवा तथा खेलकुद शाखाले शिक्षा सम्मेलनको आयोजना गर्न लागेको हो । 

सबैका लागि गुणस्तरीय शिक्षा, सार्वजनिक शिक्षालाई सुदृढ बनाऔँ भन्ने मूल उद्देश्यका साथ दुई दिने वृहत शिक्षा सम्मेलनको आयोजना गरिएको पालिका अध्यक्ष विजय प्रकाश वनेमले जानकारी दिनुभयो । उहाँका अनुसार शैक्षिक रूपान्तरणमा नयाँ सोच निर्माणका लागि यस सम्मेलनले अत्यन्तै ठुलो मदत पु¥यानेछ । भोलिबाट सुरु हुने सम्मेलन शनिबार सम्पन्न हुने पालिकाले जनाएको छ । 

शिक्षाविद् तथा सामाजिक अध्येता बिमल कुमार फुँयाल, वृहत राष्ट्रिय शिक्षा अभियान नेपालका संयोजक अभिषेक घिमिरे, नेतृत्व विकास एवम् व्यवस्थापन विज्ञ आरके ढुङगाना लगायतले सम्मेलनमा सहजीकरण गर्ने पालिका अध्यक्ष वनेमको भनाई छ । सम्मेलनमा पालिका भरीका शिक्षक तथा शिक्षिका, विद्यालय व्यवस्थापन समितिका अध्यक्ष तथा पदाधिकारी र सदस्य, शिक्षक अभिभावक संघका अध्यक्ष तथा पदाधिकारी र सदस्य, सम्पूर्ण वडाका वडाध्यक्ष, वडा सदस्यहरु शिक्षासँग सम्बन्धित सरोकारवालाहरूको उपस्थिति रहने पालिकाले जनाएको छ । 

पछिल्लो समयमा सामुदायिक विद्यालयको शैक्षिक गुणस्तर खस्किदै गएको अवस्थामा मैवाखोला गाउँपालिकाले नयाँ अभ्यासको सुरुवात गर्न लागेको छ । २०८० सालमा सञ्चालित कक्षा ८ को पालिका स्तरीय परीक्षाबाट ५ जनामात्रै विद्यार्थी उत्तीर्ण भएपछि गाउँपालिकाले यो योजनालाई अघि सारेको हो ।

विद्यार्थीहरुमा कमजोरीपनको प्रमुख समस्यालाई औँल्याएर शैक्षिक विकासका लागि यो सम्मेलनले महत्वपूर्ण भूमिका खेल्ने पालिकाले विश्वास लिएको छ । शैक्षिक गुणस्तरका लागि पालिकाले समय–समयमा प्रधानाध्यापकसँग छलफल, विभिन्न विद्यालयमा आवश्यक शैक्षिक सामाग्रीको व्यवस्थापन, सिसिटीभी जडान गरी बिभिन्न माध्यमबाट निगरानी लगायतका गतिविधिहरू गर्दै आइरहेको छ । 
 
बालकक्षादेखि कक्षा १२ सम्म ३ हजार विद्यार्थी अध्ययनरत पालिकामा २ सय १० जना शिक्षक कार्यरत रहेका छन् ।

प्रकाशित मिति : १७ जेष्ठ २०८१, बिहीबार १३:०३

मैवाखोला गाउँपालिकामा ट्याक्टर दुर्घटनामा परि एक जनाको मृत्यु

ताप्लेजुङ। ताप्लेजुङको मैवाखोला गाउँपालिकामा ट्याक्टर दुर्घटनामा परि एक जनाको मृत्यु

जन्मदिनको अवसरमा फक्ताङलुङ उपाध्यक्ष लिम्बुले गरे मनसुन प्रभावितलाई खाद्यान्न वितरण

ताप्लेजुङ । ताप्लेजुङको फक्ताङलुङ गाउँपालिका उपाध्यक्ष विकास साम्रा लिम्बु (रविन)

ताप्लेजुङमा मनाइयो सिसेक्पा तङ्नाममा

ताप्लेजुङ। साउने सङ्क्रान्तिलाई किराँत लिम्बू समुदायले ‘सिसेक्पा तङ्नाम’ भन्ने गर्दछन्।

तोक्पेगोला पर्यटन तथा चौरी महोत्सव २०८१ साउन २५ गतेदेखी हुने

एलिना दियालीताप्लेजुङ । तोक्पेगोाल पर्यटन तथा चौरी महोत्सव २०८१ हुने

एक वर्षमा २ लाख ३१ हजार बढी तिर्थयात्री पाथीभरामा आए

ताप्लेजुङ। प्रसिद्ध तिर्थस्थल पाथीभरामा गत आर्थक वर्षमा २ लाख ३१