रेडियो काबेली
ताप्लेजुङ । समुदाय प्रहरी साझेदारी कार्यक्रम अन्तरगत जिल्ला प्रहरी कार्यालय ताप्लेजुङले लागू औषध सम्बन्धी प्रशिक्षण कार्यक्रम सम्पन्न गरेको छ । जिल्ला कारागार ताप्लेजुङको समन्वयमा मंगलबार फुङलिङ नगरपालिका वडा नं. ५ स्थित कारागार कार्यालयमा रहेको ४ जना लागू औषध मुद्दाका कसुरदार सहित १५० जना कैदीलाई प्रशिक्षण कार्यक्रम सम्पन्न गरेको हो ।
जिल्ला प्रहरी कार्यालय ताप्लेजुङका प्रहरी नायब उपरीक्षक रवि रावलले लागू औषध तथा कसुर पुनरावृत्ति हुन नदिन र समाजमा पुनस्थापनाका लागि सकारात्मक सोच सम्बन्धी प्रशिक्षण दिनुभएको हो । जिल्ला कारागारका प्रमुख कुलेन्द्र खवासको अध्यक्षतामा कार्यक्रम सम्पन्न भएको थियो । पछिल्लो समय लागू औषध प्रयोगकर्ता बढ्दो क्रममा रहेकाले यस विषयलाई गम्भिर रुपमा लिएर सचेतना फैलाउनु आवश्यक रहेको प्रहरीले जनाएको छ ।
प्रतिक्रिया