घरेलुद्धारा खोक्लिङमा सिलाई कटाई सम्बन्धी दुई महिने तालिम सुरु 




रेडियो काबेली
ताप्लेजुङ । घरेलु तथा साना उद्योग कार्यालय ताप्लेजुङद्वारा मिक्वाखोला गाउँपालिका खोक्लिङमा सिलाई कटाई सम्बन्धी दुई महिने तालिम सुरु भएको छ । मिक्वाखोला गाउँपालिकाको समन्वय र घरेलु तथा साना उद्योग कार्यालय ताप्लेजुङको आयोजनामा सिलाई कटाई सम्बन्धी सीप विकास तालिम सोमबारबाट सुरु भएको हो ।


गत आर्थिक वर्ष घरेलुले दिएको उद्यमशीलता विकास सम्बन्धी तालिम लिएका महिलाहरूलाई छनोट गरि चालु आर्थिक वर्ष २०८०÷८१ को उद्यम विकास कार्यक्रम अन्तरगत उक्त सीप विकास तालिम सुरु गरिएको घरेलु तथा साना उद्योग कार्यालय ताप्लेजुङका प्रमुख युवराज घोर्साईले जानकारी दिनुभयो । साथै उहाँले गाउँपालिकाले अन्य कृषि सम्बन्धी तालिमको आवश्यकता महसुस गरेमा घरेलुले आवश्यक सहयोग गर्न सदैव तयार रहेको बताउनुभयो ।


कार्यक्रममा बोल्नु हुँदै मिक्वाखोला गाउँपालिका अध्यक्ष भक्त बहादुर कार्कीले विगतमा भएका सिलाई कटाई तालिम प्रभावकारी नभएको बताउँदै सहभागी सबैलाई सक्रिय रुपमा  तालिम लिन र स्वरोजगार बन्न आग्रह गर्नुभयो । त्यस्तै वडा नंं. १ का अध्यक्ष राम कुमार लिम्बुले वडाका महिलालाई रोजगारसँग जोड्नको लागि तालिमको आयोजना गरेकोमा घरेलु तथा साना उद्योग कार्यालय ताप्लेजुङलाई धन्यवाद व्यक्त गर्नुभयो । तालिममा १० जना महिलाहरूको सहभागिता रहेको छ भने तालिमको सहजीकरण विष्णु नेपालीले गरिरहनु भएको छ ।

प्रकाशित मिति : १८ बैशाख २०८१, मंगलबार  ८ : २० बजे

आठराई त्रिवेणीमा सम्पन्न भयो ७ दिने उद्घोषण तथा भाषणकला सम्बन्धी तालिम 

ताप्लेजुङ। ताप्लेजुङको आठराई त्रिवेणी गाउँपालिकाको केन्द्र हाङपाङमा गत जेठ २७

ताप्लेजुङको मामांखे र याम्फुदिनमा बाढी पहिरोका कारण सयौँ परिवार प्रभावित, लाखौँको क्षती

रेडियो काबेलीताप्लेजुङ । ताप्लेजुङको सिरिजङ्घा गाउँपालिका वडा नंं. ६ मामाङ्खे

ताप्लेजुङको विभिन्न ठाउँमा पहिरो : दर्जनौं परिवार विस्थापित

ताप्लेजुङ । ताप्लेजुङको विभिन्न ठाउँमा गएको पहिरोले दर्जनौ परिवार विस्थापित

पाथीभरामा जेठ महिनामा १६ लाख ५० हजार बढी भेटी सङ्कलन

ताप्लेजुङ । ताप्लेजुङको पाथीभरा (मुकुमलुङ)मा जेठ महिनामा १६ लाख ५०

पहिरोले मिक्वाखोलाको पापुङका तीन परिवार विस्थापित

रेडियो काबेलीताप्लेजुङ । शनिबार बिहान गएको पहिरोले मिक्वाखोला गाउँपालिका–५ पापुङको