ताप्लेजुङको पाथिभरा याङ्वरकको जङ्गलमा लागेको आगोका कारण ५६ हजारको क्षति

ताप्लेजुङ । ताप्लेजुङको पाथिभरा याङ्वरक गाउँपालिका-२ ओलोकको जङ्गलमा लागेको आगोले एक चौपाया र काठ जलि पूर्ण रुपमा नष्ट भएको छ ।

आज दिउँसो पाथिभरा याङवरक निवासी चन्द्र तिवारीको फुसले छाएको गोठमा आगो पस्दा गोठमा भएको गाई र गोठ भित्र राखिएको धन बहादुर बुढाथोकीको ८० किबी काठ पूर्ण रुपमा जलेर नष्ट भएको हो । 

आगलागीबाट करिब ५६ हजार रुपैयाँको क्षति भएको जिल्ला प्रहरी कार्यालय ताप्लेजुङका प्रहरी निरीक्षक, प्रहरी प्रवक्ता तथा सूचना अधिकारी कमल कुमार लुङगेलीले जानकारी दिनुभएको छ । 

आगो प्रहरी तथा स्थानीय बासिको सहयोगमा करिब ४ बजे पूर्ण रुपमा नियन्त्रणमा आएको प्रहरीले जनाएको छ ।