सुनचाँदीको भाउ घट्यो , कतिमा हुँदैछ कारोबार ?

काठमाडौं । उच्च विन्दुमा पुगेको सुनचाँदीको भाउमा गिरावट देखिएको छ । सोमबार सुन तोलामा नै एक हजार १०० रुपैयाँले सस्तिएको हो । यसका साथै, चाँदीको भाउ पनि यस दिन प्रतितोला ३५ रुपैयाँले घटेको छ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ३८ हजार २०० रुपैयाँमा झरेको छ । यसैगरी, तेजाबी सुन प्रतितोला एक लाख ३७ हजार ५५० रुपैयाँमा खरिदबिक्री हुँदैछ ।

आइतबार सुनको भाउ स्थिर रहेको थियो । हिजो सुन प्रतितोला एक लाख ३९ हजार ३०० रुपैयाँ कायम रहेको थियो । शुक्रबार सुनको भाउले नयाँ रेकर्ड कायम गरेको थियो ।

साताको दोस्रो कारोबार दिन, चाँदीको मूल्य पनि ओरालो लागेको छ । यस दिन चाँदी तोलामा ३५ रुपैयाँले घटेर प्रतितोला एक हजार ७०५ रुपैयाँमा कारोबार भइरहेको छ । महासंघका अनुसार अघिल्लो कारोबार दिन, चाँदीको प्रतितोला २० रुपैयाँले बढेको थियो । हिजो चाँदी प्रतितोला एक हजार ७४० रुपैयाँ पुगेको थियो ।