जिल्ला प्रशासन ताप्लेजुङमा कार्यालय समय सुरु हुँदा राष्ट्रियगान अनिवार्य

ताप्लेजुङ । जिल्ला प्रशासन कार्यालय ताप्लेजुङले अब कार्यालय समय सुरु हुँदा राष्ट्रियगान अनिवार्य गरेको छ । कार्यालयका अनुसार कार्यालय समय सुरु हुने बिहान १० बजे कार्यालयमा राष्ट्रियगान अनिवार्य गरिएको हो ।

प्रमुख जिल्ला अधिकारी रवीन्द्रप्रसाद आचार्यले प्रत्येक दिन कार्यालय समय सुरु हुँदा राष्ट्रियगान अनिवार्य गरिएको बताउनुभयो । कार्यालयका कर्मचारी र उपस्थित सेवाग्राही सबैले राष्ट्रियगानमा सरिक भएपछि सेवा लिनेदिने क्रम सुरु हुने उहाँको भनाई छ ।