जिल्ला प्रशासन ताप्लेजुङद्वारा नवीकरण अवधि ५ वर्ष नगरेका हतियार र इजाजतपत्र प्रहरीलाई बुझाउन आग्रह

ताप्लेजुङ। जिल्ला प्रशासन कार्यालय ताप्लेजुङले ५ वर्ष भन्दा बढी अवधि नवीकरण नगरेका हतियार र इजाजतपत्र नजिकको प्रहरीलाई बुझाउन आग्रह गरेको छ ।

जिल्ला प्रशासन कार्यालयका सूचना अधिकारी तथा सहायक प्रमुख जिल्ला अधिकारी टंकबहादुर भट्टराईले ५ वर्ष भन्दा बढी अवधि नवीकरण नगरेका हतियार र इजाजतपत्र जिल्ला प्रहरी कार्यालय, इलाका प्रहरी कार्यालय वा नजिकको प्रहरी चौकीमा अनिवार्य बुझाउनुपर्ने बताउनुभयो ।

प्रशासन कार्यालयले हतियार राख्ने इजाजत पत्र प्राप्त गरी ताप्लेजुङ प्रशासन कार्यालयबाट नवीकरण नभएको तर कानुन बमाजिम अन्य जिल्लाबाट नवीकरण भएको भए त्यसको प्रमाण कागज पेश गर्न एक महिनाको समय दिएको छ ।

उक्त अवधिमा नवीकरण प्रमाण पेश नभएमा वा ५ वर्ष भन्दा बढी अवधि नवीकरण नभएका हतियार र इजाजतपत्र नजिकको प्रहरी कार्यालयमा नबुझाएमा कानुन अनुसार कारवाही हुने चेतावनी पनि प्रशासन कार्यालयले दिएको छ । eujyalopost.com