मेरिङदेनमा ५ दिने उद्धघोषण तथा भाषणकला तालिम सुरु

रेडियो काबेली
ताप्लेजुङ । मेरिङदेन गाउँपालिकामा ५ दिने उद्धघोषण तथा भाषणकला तालिम सोमबारबाट सुरु भएको छ । महिलाहरुको क्षमता विकासको लागि पालिकाको चालु आर्थिक वर्ष २०८०÷८१ को बजेटमा तालिम सुरु गरिएको महिला शाखा प्रमुख भावना घर्तीले जानकारी दिनुभयो ।

उद्धघाटन समारोहमा बोल्दै गाउँपालिका अध्यक्ष युक हां विर हाङ्गामले तालिमले महिलाहरुको वाककला साथै क्षमता विकासमा कोशेढुङ्गा साबित हुने बताउनुभयो । त्यस्तै उपाध्यक्ष दुर्गा प्रसाद चोङबाङले कुनैपनि व्यक्ति पछि पर्नुमा बोल्ने कलाले प्रत्यक्ष सरोकार राख्ने भएकोले सहभागीहरुलाई सक्रियताका साथ सिक्नको लागि आग्रह गर्नुभयो ।

तालिममा पालिकाको ६ वटा वडाका ३० जना महिलाको सहभागिता रहेको छ भने तालिम पालिकाको केन्द्र सान्थाक्रामा भई रहेको छ ।