ताप्लेजुङ । ताप्लेजुङको डिचेन डोङगला स्मारक आँखा उपचार केन्द्रलाई समाजसेवी एक दम्पतीले न्यानो सिरक प्रदान गरेका छन् । नेपाल नेत्रज्योति संघ जिल्ला शाखाद्वारा सञ्चालित उक्त उपचार केन्द्रलाई समाजसेवी बालमणि बराल र श्रीमती चन्द्रा बरालले पाँच थान सिरक प्रदान गर्नुभएको हो ।
शुक्रबार सदरमुकाम फुङ्लिङ बजारका व्यवसायी तथा नेपाल नेत्रज्योति संघ ताप्लेजुङका आजीवन सदस्यसमेत रहनुभएका बराल दम्पतीले सिरक प्रदान गर्नुभएको आँखा उपचार केन्द्रका क्लिनिक इन्चार्ज काजी गुरुङले जानकारी दिनुभएको छ ।
आँखा उपचार केन्द्र तथा केन्द्रमा उपचार सार्थ आँखा शिविरमा उपचार सेवा लिन आउने बिरामीसमेतले प्रयोग गर्नेगरी उहाँहरूले सिरक उपलब्ध गराउनुभएको गुरुङको भनाइ छ । बराल दम्पतीले आँखा उपचार केन्द्रमै पुगेर सिरक नेपाल नेत्रज्योति संघका जिल्ला सभापति राजकुमार गुरुङलाई हस्तान्तरण गर्नुभएको हो ।
सिरक हस्तान्तरण कार्यक्रममा संघका अन्य पदाधिकारी, आँखा उपचार केन्द्रका क्लिनिक इन्चार्ज काजी गुरुङ लगायतका कर्मचारीको उपस्थिति रहेको थियो ।
प्रतिक्रिया