ताप्लेजुङका डिएसपी राजन लिम्बूको सरुवा

ताप्लेजुङ । जिल्ला प्रहरी कार्यालय ताप्लेजुङका प्रहरी नायब उपरीक्षक (डिएसपी) राजन लिम्बूको सरुवा भएको छ । गृहमन्त्रालयले डीएसपी लिम्बू सहित देशैभरका १ सय ४१ डिएसपीको सरुवा गरेको हो । 

बुधबार प्रहरी महानिरीक्षकको निर्णय अनुसार चैत महिनादेखिको तलब, भत्तासमेत हाल भएको दरबन्दीबाट खान पाउने गरी सरुवा गरिएको जनाइएको छ । ताप्लेजुङबाट डीएसपी लिम्बूको सरुवा भएसँगै नयाँ डिएसपीको रुपमा रवि रावल आउने हुनु भएको छ । डीएसपी रावलको राष्ट्रिय सुरक्षा परिषद सचिवालय सिंहदरबार, काठमाडौँबाट ताप्लेजुङका लागि सरुवा भएको हो । 

ताप्लेजुङका डीएसपी लिम्बूको भने नेपाल प्रहरी प्रधान कार्यालय प्रदेश अपराध समन्वय शाखा नक्साल काठमाडौँमा सरुवा भएको छ । यसअघि केही दिन अघिमात्रै प्रमुख जिल्ला अधिकारी हिरादेवी पौडेलको समेत सरुवा भएको छ । नयाँ प्रजिअको जिम्मेवारी सम्हाल्न रविन्द्र आचार्य ताप्लेजुङ आउँदै हुनुहुन्छ ।