ताप्लेजुङ । ताप्लेजुङको पाथीभरा याङवरक गाउँपालिकामा २ दिनमा ४ ओटा घर जलेर नष्ट भएका छन् । जङ्गलबाट आएको आगोले घर जलाएको हो ।
शनिबार आज भीरबाट आएको आगो स्थानीय अमृत बस्नेतको घरमा पस्दा मतान सहित घर जलेर नष्ट भएको जिल्ला प्रहरी कार्यालय ताप्लेजुङका प्रहरी नायब उपरीक्षक ९डिएसपी० राजन लिम्बूले जानकारी दिनुभयो । उहाँका अनुसार बस्नेतको घरमा आगलागी हुँदा करिब ४० लाख रुपैयाँ बराबरको क्षति भएको छ ।
घरमा रहेको सुनचाँदी, नगद लत्ताकपडा, खाद्यान्न जलेर नष्ट हुँदा सो रकम बराबरको क्षति भएको प्रहरीको भनाई छ । बस्नेतको ढुङ्गा माटोले बनेको ३ तले घरमा आगलागी भएको हो ।
यस्तै शुक्रबार सोही पालिकाको वडा नं. ४ डुम्रिसे निवासी चन्द्रबहादुर साम्सोहाङ र मंगलसिंह साम्सोहाङको ३ तले दुई वटा घर र गोठहरू समेत जलेर नष्ट भएको स्थानीय टिका न्यौपानेले जानकारी दिनुभयो । दुई परिवारको गरि ५० लाख भन्दा बढीको क्षति भएको स्थानीयले बताएका छन् ।
सुक्खायाम सुरु भएसँगै ताप्लेजुङमा आगलागीका घटना तिव्र रुपमा भइरहेको छ । यसअघि मेरिङदेन गाउँपालिका २ सान्थाक्रा र मिक्वाखोला २ खोक्लिङमा पनि जङ्गलबाट आएको आगोले बस्तीका घर जलाएको डिभिजन बन कार्यालय ताप्लेजुङ जनाएको छ ।
प्रतिक्रिया