चिसो बढेपछि सोलुखुम्बुको खुम्बुक्षेत्र सुनसान





सोलुखुम्बु । चिसो बढेपछि खुम्बुक्षेत्र सुनसान बन्न थालेको छ । धेरैजसो व्यवसायी तथा स्थानीय बासिन्दा जाडो छल्न अन्तै गएका छन् ।

स्थानीय दामु शेर्पाका अनुसार झण्डै ७० प्रतिशत व्यवसायी तथा नागरिकले खुम्बु छाडिसकेका छन् । उनीहरु काठमाण्डौ र कतिपय तीर्थयात्रामा भारतको बुद्धगैयालगायतका क्षेत्रमा जाने गरेका छन् । अहिले खुम्बुक्षेत्र सुनसान नै बनेको लुक्लाका तोया श्रेष्ठले बताउनुभयो । उहाँका अनुसार पर्यटकीय सिजनमा पर्यटकले खचाखच हुने खुम्बुको विमानस्थल, होटल लज, क्याम्पिङ साइट तथा दृश्यावलोकन गर्ने स्थल अहिले सुनसान छन्।

सगरमाथाको प्रवेशद्वार भनेर चिनिने नाम्चे, गोक्यो, कालापत्थर, एभरेष्ट बेस क्याम्पलगायतका ठाउँमा पनि अहिले पर्यटकको चहलपहल छैन । केही होटल पसल खुला भए पनि चिसोले जनजीवन कष्टकर छ ।

अरु बेला दैनिक एक सयभन्दा धेरै हवाई उडान हुने लुक्लामा अहिले दैनिक पाँच–छ वटा मात्रै उडान हुने गरेको नेपाल नागरिक उड्डयन प्राधिकरण शाखा कार्यालय लुक्लाको तथ्याङ्क छ । खुम्बु क्षेत्रमा चिसोका कारण पाइपमै पानी जम्न थालेपछि पानी आपूर्तिमा समस्या छ ।

दिउँसो घाम लागेको समयमा समेत जमेको पानी नपग्लिँदा खुम्बुका विभिन्न ठाउँमा खानेपानी आपूर्ति बन्द भएको स्थानीय नुरु शेर्पाले बताउनुभयो । यो बेला तापक्रम घटेर खुम्बुमा माइनस १७ डिग्री सेल्सियससम्म झर्ने गरेको छ ।

रासस

प्रकाशित मिति : १७ माघ २०८०, बुधबार १०:४९

जन्मदिनको अवसरमा फक्ताङलुङ उपाध्यक्ष लिम्बुले गरे मनसुन प्रभावितलाई खाद्यान्न वितरण

ताप्लेजुङ । ताप्लेजुङको फक्ताङलुङ गाउँपालिका उपाध्यक्ष विकास साम्रा लिम्बु (रविन)

ताप्लेजुङमा मनाइयो सिसेक्पा तङ्नाममा

ताप्लेजुङ। साउने सङ्क्रान्तिलाई किराँत लिम्बू समुदायले ‘सिसेक्पा तङ्नाम’ भन्ने गर्दछन्।

तोक्पेगोला पर्यटन तथा चौरी महोत्सव २०८१ साउन २५ गतेदेखी हुने

एलिना दियालीताप्लेजुङ । तोक्पेगोाल पर्यटन तथा चौरी महोत्सव २०८१ हुने

एक वर्षमा २ लाख ३१ हजार बढी तिर्थयात्री पाथीभरामा आए

ताप्लेजुङ। प्रसिद्ध तिर्थस्थल पाथीभरामा गत आर्थक वर्षमा २ लाख ३१

बढ्यो पेट्रोल, डिजेल र मट्टीतेलको मूल्य

सरकारले पेट्रोल, डिजेल र मट्टीतेलको भाउ बढाएको छ। नेपाल आयल