कोरोनाका कारण बैदेशिक रोजगारी गुमाएर फर्किएकाहरुको सीपका लागि लगानी गर्दै सिरिजङ्गा



ताप्लेजुङ । ताप्लेजुङको सिरिजङ्गा गाउँपालिकाले कोभिड–१९ का कारण बैदेशिक रोजगारी गुमाएर फर्किएकाहरुको सीपलाई गाउँमै रोजगार सृजना गर्न पालिकाका प्रत्येक वडामा तीनलाख रुपैयाँका दरले लगानी गर्ने भएको छ ।

‘गाउँमै रोजगार,गर्वको आधार’कार्यक्रममार्फत पालिकाले ८ वटै वडामा उद्यमी सृजनाका लागि उक्त रकम खर्चिन लागेको हो । पालिकाका प्रमुख प्रशासकीय अधिकृत मधुर नेपालीका अनुसार फर्निचर,कृषि,नेपाली हातेकागज,स्थानीय बाँस तथा काठजन्य सामग्रीको उद्यम र अन्य स्थानीय कच्चा पदार्थको प्रयोग गरी उत्पादन हुने तवरका उद्यमहरुका लागि अनुदान उपलब्ध गराइने छ ।

उनका अनुसार कोभिड–१९ का कारण बैदेशिक रोजगारी गुमाएर गाउँ फर्किएका कम्तिमा तीनजना वडाबासीव्यक्तिहरुले उद्यम गर्ने उद्देश्यका साथ व्यवसायिक कार्ययोजना सहित सम्वन्धित वडाध्यक्षको रोहवरमा गठन भएको समूह,कम्तिमा तीनजना वडाबासीव्यक्तिहरुले उद्यम गर्ने उद्देश्यका साथ व्यवसायिक कार्ययोजना सहित सम्वन्धित वडाध्यक्षको रोहवरमा गठन भएको समूहले अनुदान प्राप्तिका लागि आबेदन दिन सक्ने छन् ।

यस्तै समूह दर्ता गरी विगत देखि सामूहिक रुपमा उद्यम गर्दै आएका पुराना उद्यमी र विगत देखि नै व्यक्तिगत रुपमा उद्यम सञ्चालन गर्दै आएका उद्यमीहरुले समेत अनुदानका लागि आबेदन दिन सक्ने व्यवस्था गरिएको गाउँपालिकाले जनाएको छ । पालिकाले ‘गाउँमै रोजगार,गर्वको आधार’ कार्यक्रम कार्यान्वयनमा एकरुपता ल्याउन र पारदर्शी बनाउन‘गाउँमै रोजगार,गर्वको आधार’ कार्यक्रम कार्यान्वयन निर्देशिका २०७७ जारी गरेको छ ।

सोहि कार्यविधिमा आधारित रहेर गाउँमै रोजगारी सृजना गर्न अनुदान प्राप्तिका लागि योग्यता र क्षेत्र तोकेर यसपटक पनि माघ १७ गते भित्रमा आबेदन माग गरिएको गाउँ पालिकाका प्रमुख प्रशासकीय अधिकृत नेपालीले बताउनुभयो ।eujyalopost.com

प्रकाशित मिति : ७ माघ २०८०, आइतबार  १ : ०४ बजे

आठराई त्रिवेणीमा सम्पन्न भयो ७ दिने उद्घोषण तथा भाषणकला सम्बन्धी तालिम 

ताप्लेजुङ। ताप्लेजुङको आठराई त्रिवेणी गाउँपालिकाको केन्द्र हाङपाङमा गत जेठ २७

ताप्लेजुङको मामांखे र याम्फुदिनमा बाढी पहिरोका कारण सयौँ परिवार प्रभावित, लाखौँको क्षती

रेडियो काबेलीताप्लेजुङ । ताप्लेजुङको सिरिजङ्घा गाउँपालिका वडा नंं. ६ मामाङ्खे

ताप्लेजुङको विभिन्न ठाउँमा पहिरो : दर्जनौं परिवार विस्थापित

ताप्लेजुङ । ताप्लेजुङको विभिन्न ठाउँमा गएको पहिरोले दर्जनौ परिवार विस्थापित

पाथीभरामा जेठ महिनामा १६ लाख ५० हजार बढी भेटी सङ्कलन

ताप्लेजुङ । ताप्लेजुङको पाथीभरा (मुकुमलुङ)मा जेठ महिनामा १६ लाख ५०

पहिरोले मिक्वाखोलाको पापुङका तीन परिवार विस्थापित

रेडियो काबेलीताप्लेजुङ । शनिबार बिहान गएको पहिरोले मिक्वाखोला गाउँपालिका–५ पापुङको