रेडियो काबेली
ताप्लेजुङ । फक्ताङ्लुङ गाउँपालिकास्तरीय चौथो राष्ट्रपति रनिङ शिल्ड प्रतियोगितामा सुनदेवी माध्यमिक विद्यालय सुङसाबु प्रथम भएको छ । ७ वटा विधामा विजय हाँसिल गर्दै सुनदेवी माध्यमिक विद्यालय गाउँपालिका प्रथम भएको हो । त्यस्तै ६ वटा विधामा विजय हाँसिल गर्दै सेवालुङ माध्यमिक विद्यालय, सेगुँवा द्वितीय र रविकला माध्यमिक विद्यालय,सावादिन तृतीय भएका छन् ।
शनिबार सम्पन्न प्रतियोगितामा विजयी भएका विद्यालयलाई फक्ताङ्लुङ गाउँपालिकाका अध्यक्ष राजन लिम्बू (मुक्ति) र उपाध्यक्ष रवीन साम्रा (विकास) को उपस्थितीमा शिल्ड, मेडल र प्रमाणपत्र वितरण गरिएको थियो ।
गाउँपालिका अध्यक्ष लिम्बुका अनुसार बुधबारदेखि सुरु गरिएको प्रतियोगितामा छात्र छात्रा दौड, लङ्जम्प, हाइजम्प, छेलो हान्ने, भलिबल लगायतका खेल विधाहरु समावेश गरिएका थिए ।
प्रतियोगितामा पालिकाभित्रका सुनदेवी मावि, सेवालुङ मावि, रविकला मावि, आदर्श मावि, सरस्वती मावि, सिँवा मावि, सरस्वती च्यारिबुक मावि र खेजेनिम माविको सहभागिता रहेको थियो ।
प्रतिक्रिया