ताप्लेजुङ । ताप्लेजुङको मेरिङदेन गाउँपालिकामा नवनिर्मित लङवाखोला मोटरेबल पुलको उद्ध्घाटन गरिएको छ । मेरिङदेन गाउँपालिकाको ५ नं. वडा थुकिमा र ६ नं. वडा नाल्बुलाई जोड्ने खोलामा मोटरेबल पुल निर्माण सम्पन्न गरी उद्धघाटन गरिएको हो ।
![](https://i0.wp.com/radiokabeli.com/wp-content/uploads/2024/01/dad06532-09d2-4016-bb8f-a8410cd7692a.jpg?resize=720%2C540&ssl=1)
एक कार्यक्रमको आयोजना गरी संबिधानसभा सदस्य डम्बरध्वोज तुम्बाहाङको प्रमुख आतिथ्यतामा पक्की मोटरेबल पुलको उद्धघाटन गरिएको मेरिङदेन गाउँपालिकाका सूचना अधिकारी जितेन लिम्बूले जानकारी दिनुभयो ।
आर्थिक वर्ष २०७७/०७८ मा संघिय शसर्त अनुदानमार्फत विनियोजित ४ करोड ६१ लाख ५५ हजार २८९ रुपैयाँको लागतमा निर्माण कार्य सम्पन्न भएको हो । एसओएस थेबे र आङबुहाङ जेभिले निर्माण कार्यको जिम्मा लिएर काम पुरा गरेका हुन् । पुलको लम्बाई २६.२ मिटर लामो रहेको छ ।
![](https://i0.wp.com/radiokabeli.com/wp-content/uploads/2024/01/348f00df-7e73-4df3-a813-0d2050714ace.jpg?resize=720%2C480&ssl=1)
उद्धघाटन कार्यक्रममा मेरिङदेन गाउँपालिकाका अध्यक्ष युकहाङबी हाङगाम (डम्बर), उपाध्यक्ष दुर्गा श्रेङचोङबाङ, निवर्तमान पालिका अध्यक्ष गणेश बहादुर लिम्बू, वडाध्यक्षहरु, निर्माण कम्पनीका प्रतिनिधि, सरोकारवाला निकायका प्रतिनिधि लगायतको उपस्थिति रहेको थियो ।
![](https://i0.wp.com/radiokabeli.com/wp-content/uploads/2024/01/3f1214ab-b138-4a4d-8664-bb292014b6ea.jpg?resize=720%2C480&ssl=1)
मोटरेबल पुल निर्माण भएसँगै नाल्बुमा बाह्रै महिना यातयात सञ्चालन हुने पक्का भएको छ । यसअघि वर्षायामको समयमा यातयात ठप्प हुदै आएको थियो ।
![](https://i0.wp.com/radiokabeli.com/wp-content/uploads/2024/01/6049cb8d-afd5-4fb6-b9f5-f25314e13f1f.jpg?resize=720%2C480&ssl=1)
प्रतिक्रिया