ताप्लेजुङ । ताप्लेजुङको आठराई त्रिवेणी गाउँपालिकाले सामुदायिक स्वास्थ्य केन्द्र सञ्चालनमा ल्याएको छ । पालिकाको २ नं. वडा फूलबारीमा आजबाट रमिते सामुदायिक स्वास्थ्य केन्द्र सञ्चालनमा ल्याएको गाउँपालिका अध्यक्ष दिपेन पोमु (दिपेन्द्र)ले जानकारी दिनुभयो ।
उहाँका अनुसार उक्त वडाका आम्बोटे, सिमलबोटे, खड्कुरे, धुसेनी, रमिते लगायतका स्थानीयले सेवा पाउने छन् । खोप केन्द्रमा २ जना स्वास्थ्यकर्मीको व्यवस्था गरिएको पालिकाले जनाएको छ । स्वास्थ्य सम्बन्धी परामर्श तथा औषधि प्रदानका लागि अनमी र अहेब १–१ जना राखिएको समेत अध्यक्ष पोमूले बताउनुभयो । वडामा स्वास्थ्य सेवा सञ्चालनमा आएसँगै स्थानीयले सहजरुपले सामान्य भएपनि स्वास्थ्य सेवा पाउने विश्वास लिएका छन् ।
यसैबीच पालिकाले सुत्केरी संग उपाध्यक्ष कार्यक्रम अन्र्तगत पोषण तथा सरसफाइ अन्र्तगत प्याकेज झोला बितरण गरेको गरेको छ । पालिकाका अध्यक्ष पोमू, उपाध्यक्ष शान्ता आङबुहाङ, २ नं। वडाध्यक्ष टेकिन्द्र सेन्दाङ लगायतको उपस्थिति रहेको थियो । यस्तै भोलिदेखि अन्य वडाका महिलालाई समेत बितरण गरिने तयारी भइरहेको पालिकाले जनाएको छ ।
प्रतिक्रिया