चासोक तङ्नाम २०८०ः विद्यालयस्तरीय वक्तृत्वकलामा भानुजन मावि प्रथम



रेडियो काबेली

ताप्लेजुङ । लिम्बू समुदायको सांस्कृतिक चाड चासोक तङ्नामको अवसरमा आयोजना गरिएको अन्तर विद्यालयस्तरीय वक्तृत्वकलामा भानुजन माध्यमिक विद्यालय प्रथम भएको छ । सदरमुकाम फुङ्लिङस्थित लिटलबुद्ध आवासीय माध्यमिक विद्यालयमा बुधबार आयोजना गरिएको वक्तृत्वकला प्रतियोगितामा भानुजन माध्यमि विद्यालयका प्रतिक पुरी प्रथम भएका हुन् ।

त्यस्तै लिटलबुद्ध आवासीय माध्यमिक विद्यालय (सिकुम लिम्बु) द्वितीय, अक्सफोर्ड आवासीय माध्यमिक विद्यालय (कृषा पौडेल) तृतीय र सेन्ट म्यारिज बोर्डिङ स्कुल (गोमा दाहाल) सान्त्वना भएको छ ।

प्रथम हुनेलाई नगद पाँच हजार, द्धितिय हुनेलाई ३ हजार र तृतिय हुनेलाई २ हजार सहित प्रमाण पत्रको व्यवस्था गरिएको र उक्त पुरस्कार चासोक तङनामको समापनका दिन ११ गते भानु माध्यमिक विद्यालयको प्राङ्गणमा वितरण गरिने आयोजकले जनाएको छ ।


चासोक तङनामको महत्वलाई अझ फैलाउन र विधार्थीको वाककलाको क्षमता विकास गर्न प्रतियोगिताको आयोजना गरिएको चासोक तङ्नाम सञ्चालन समितिका संयोजक चन्द्र थेबेले बताए । प्रतियोगितामा फुङलिङ नगरपालिकाका विभिन्न आठवटा विद्यालयको सहभागिता रहेको थियो ।


रमाईलो र नाँच गान मात्रै नभएर विद्यालयस्तरमा नै चासोक तङनामको महत्व बारे जानकारी गराउने उद्येश्यले लिटल बुद्ध बोर्डिङ स्कुलको संयोजनमा वक्त्तृत्वकला प्रतियोगीताको आयोजना गरिएको लिटल बुद्ध बोर्डिङ स्कुलका प्रेन्सिपल युबराज गिरीले जानकारी दिए ।


चासोक तङ्नाम सञ्चालन समितिका संयोजक थेबेका अनुसार वक्तृत्वकलासँगै चासोक तङ्नाममा लिम्बू संस्कृतिमा आधारित धान नाच, च्याब्रुङ नाच, हाक्पारे, ख्यालीजस्ता प्रतियोगितात्मक कार्यक्रम पनि राखिएको छ।


यस्तै चासोक तङ्नामकै अवसरमा कञ्चनजङ्घा सेसेलुङ गोल्डकप फुटबल प्रतियोगिता पनि आयोजना गरिएको छ । फुटबल प्रतियोगिता जारी रहेको छ भने बुधबार सुरु भएको चासोक तङ्नाम कार्यक्रम पुस ११ गते बुधबार पुरस्कार वितरणसँगै सम्पन्न हुने आयोजकले जानकारी दिएको छ।

प्रकाशित मिति : ५ पुस २०८०, बिहिबार  १ : २१ बजे

आठराई त्रिवेणीमा सम्पन्न भयो ७ दिने उद्घोषण तथा भाषणकला सम्बन्धी तालिम 

ताप्लेजुङ। ताप्लेजुङको आठराई त्रिवेणी गाउँपालिकाको केन्द्र हाङपाङमा गत जेठ २७

ताप्लेजुङको मामांखे र याम्फुदिनमा बाढी पहिरोका कारण सयौँ परिवार प्रभावित, लाखौँको क्षती

रेडियो काबेलीताप्लेजुङ । ताप्लेजुङको सिरिजङ्घा गाउँपालिका वडा नंं. ६ मामाङ्खे

ताप्लेजुङको विभिन्न ठाउँमा पहिरो : दर्जनौं परिवार विस्थापित

ताप्लेजुङ । ताप्लेजुङको विभिन्न ठाउँमा गएको पहिरोले दर्जनौ परिवार विस्थापित

पाथीभरामा जेठ महिनामा १६ लाख ५० हजार बढी भेटी सङ्कलन

ताप्लेजुङ । ताप्लेजुङको पाथीभरा (मुकुमलुङ)मा जेठ महिनामा १६ लाख ५०

पहिरोले मिक्वाखोलाको पापुङका तीन परिवार विस्थापित

रेडियो काबेलीताप्लेजुङ । शनिबार बिहान गएको पहिरोले मिक्वाखोला गाउँपालिका–५ पापुङको