दोभान बजारदेखि मेरिङदेन गाउँपालिकाको केन्द्रसम्म सडक कालोपत्रे हुने 



ताप्लेजुङ । ताप्लेजुङको दोश्रो ठुलो व्यापारिक केन्द्र दोभान बजारदेखि मेरिङदेन गाउँपालिकाको केन्द्रसम्म सडक कालोपत्रे हुने भएको छ । आगामी ३ वर्षभित्रमा कार्य सम्पन्न हुने गरी मेरिङदेन गाउँपालिकाले चालु आर्थिक वर्षको लागि बजेट समेत बिनियोजन गरेको छ । 

गाउँपालिकाले चालु आर्थिक वर्षको लागि २ करोड बजेट बिनियोजन गरेको पालिका अध्यक्ष युकहाङबीर हाङगाम (डम्बर)ले जानकारी दिनुभयो । उहाँका अनुसार करिब ३६ महिनामा दोभानबाट पालिकाको केन्द्र सान्थाक्रासम्म ९ किलोमिटर सडक कालोपत्रे हुनेछ ।  सोमबार पालिकाका अध्यक्ष हाङगाम, उपाध्यक्ष दुर्गा प्रसाद श्रेङचोङबाङ, ६ वटै वडाका वडाध्यक्ष, वडा सदस्य, पालिकाका कर्मचारी तथा प्राविधिक सहितको टोलीले स्थलगत अनुगमन र सर्वे समेत गरेको गाउँपालिकाले जनाएको छ ।

अध्यक्ष हाङगामका अनुसार प्रदेश तथा सङ्घतर्फ समेत आवश्यक बजेटको माग गरी सम्भव भएसम्म चाँडै नै निर्माणको कार्य सम्पन्न गर्ने गरी पहल गर्ने तयारी भइरहेको छ । उक्त सडकको कालोपत्रे भएमा वर्षायामको समयमा हिलाम्मे र हिउँदको समयमा धुलाम्मे जस्ता समस्याको अन्त्य हुने र सहज ढंगले सदरमुकाम लगायतका क्षेत्रमा आवतजावत गर्न सकिने स्थानीले विश्वास लिएका छन् । 

सडकको अन्तिम सर्वेक्षण सकिएको र अब चाँडै ठेक्का प्रक्रियामार्फत नै निर्माणको कार्य अगाडि बढाईने अध्यक्ष हाङगामले जानकारी दिनुभयो ।

प्रकाशित मिति : १२ मंसिर २०८०, मंगलबार  १ : ०६ बजे

आठराई त्रिवेणीमा सम्पन्न भयो ७ दिने उद्घोषण तथा भाषणकला सम्बन्धी तालिम 

ताप्लेजुङ। ताप्लेजुङको आठराई त्रिवेणी गाउँपालिकाको केन्द्र हाङपाङमा गत जेठ २७

ताप्लेजुङको मामांखे र याम्फुदिनमा बाढी पहिरोका कारण सयौँ परिवार प्रभावित, लाखौँको क्षती

रेडियो काबेलीताप्लेजुङ । ताप्लेजुङको सिरिजङ्घा गाउँपालिका वडा नंं. ६ मामाङ्खे

ताप्लेजुङको विभिन्न ठाउँमा पहिरो : दर्जनौं परिवार विस्थापित

ताप्लेजुङ । ताप्लेजुङको विभिन्न ठाउँमा गएको पहिरोले दर्जनौ परिवार विस्थापित

पाथीभरामा जेठ महिनामा १६ लाख ५० हजार बढी भेटी सङ्कलन

ताप्लेजुङ । ताप्लेजुङको पाथीभरा (मुकुमलुङ)मा जेठ महिनामा १६ लाख ५०

पहिरोले मिक्वाखोलाको पापुङका तीन परिवार विस्थापित

रेडियो काबेलीताप्लेजुङ । शनिबार बिहान गएको पहिरोले मिक्वाखोला गाउँपालिका–५ पापुङको