फूर्बा शेर्पा
ताप्लेजुङ । नेपाली काङ्ग्रेस ताप्लेजुङले जाजरकोट र रुकुम पश्चिम लगायतका भूकम्प प्रभावितहरूलाई आर्थिक सहयोग गरेको छ । जिल्ला कार्य समिति सदस्य शिला ईजमका अनुसार जिल्ला कार्य समितिको तर्फबाट नेपाल सरकार भुकम्प प्रभावित कोषमा ४० हजार जम्मा गरेका हो ।
नेपाली काङ्ग्रेस सदैव जनताको सुख दुःखमा साथ दिने पार्टी भएकाले केही राहत पुग्न सकिन्छ की भन्ने हेतुले थोरै भएपनि आर्थिक सहयोग गरेका उहाँले बताउनु भयो ।
उहाँले भन्नु भयो, ‘भूकम्पले जाजरकोट र रुकुम पश्चिम लगायतका क्षेत्रमा ठूलो मानवीय तथा भौतिक क्षति भएको खबरले नेपाली काङ्ग्रेस ताप्लेजुङ अत्यन्त दुखित भएको छ। भूकम्पमा परी ज्यान गुमाएकाहरू प्रति सम्पूर्ण जिल्ला कार्य समितिहरूको तर्फबाट हार्दिक श्रद्धाञ्जली अर्पण गर्दै घाइतेहरूको स्वास्थ्य लाभको कामना गर्दैछौ ।’
कार्तिक १७ मा गएको भूकम्पमा परी जाजरकोट र रुकुम पश्चिमका ३५ हजारभन्दा धेरै परिवार घरबारविहीन भएका छन् ।
प्रतिक्रिया