ताप्लेजुङका प्रमुख जिल्ला अधिकारी चेम्जोङको सरुवा

ताप्लेजुङ । ताप्लेजुङका प्रमुख जिल्ला अधिकारी गोमादेवी चेम्जोङको सरुवा भएको छ । नयाँ प्रमुख जिल्ला अधिकारीमा महिला नै आउने भएकी छन् ।

चेम्जोङ ९ महिना अघि ताप्लेजुङको पहिलो महिला प्रमुख जिल्ला अधिकारी भएर आएकी थिईन् । चेम्जोङको सरुवापछि ताप्लेजुङको नयाँ प्रमुख जिल्ला अधिकारीमा हिरादेवी पौडेल आउने भएकी छन् । उनी राष्ट्रिय बिपद् जोखिम न्यूनीकरण तथा व्यवस्थापन प्राधिकरणबाट ताप्लेजुङको प्रमुख जिल्ला अधिकारीमा आउन लागेकी हुन् ।

पौडेल ताप्लेजुङको दोस्रो महिला प्रमुख जिल्ला अधिकारी हुुनेछिन् । चेम्जोङको इलाम जिल्ला प्रशासन कार्यालय दरबन्दी भई राष्ट्रिय बिपद् जोखिम न्यूनीकरणतथा व्यवस्थापन प्राधिकरणमा काज सरुवा भएको छ । चेम्जोङ सरल व्यवहार,इमान्दार छबि,निर्णयमा अडिग र पारदर्शी शासनमा बिश्वास राख्ने प्रशासकको रुपमा दरिएकी छन्। उज्यालो पोष्ट