ताप्लेजुङमा बोलेर र मोटरसाइकल एकआपसमा ठोकिदा मोटरसाइकल चालक गम्भिर घाईते 

ताप्लेजुङ । ताप्लेजुङमा बोलेर र मोटरसाइकल एकआपसमा ठोकिदा मोटरसाइकल चालक गम्भिर घाईते भएका छन् । 

मेची राजमार्ग स्थित कावेली फुङलिङ सडक खण्डको फुङलिङ ७ ऐश्वर्या चोकमा धरानबाट ताप्लेजुङ आँउदै गरेको को १ ज २५२७ नम्बरको बोलेरो र विपरित दिशाबाट जादैँ गरेको गरेको प्र. १ –०३ –००१–४२९० नम्बरको मोटरसाइकल एक आपसमा ठोकिदा मोटरसाइकल चालक मेरिङदेन गाउँपालिका-१ थिङलाबुका २८ वर्षीय अनिल शेर्पा गम्भिर घाईते भएका हुन् । 

घाइते मोटरसाइकल चालकको जिल्ला अस्पतालमा उपचार हुन नसकेपछि थप उपचारको लागि जिल्ला बाहिर  रेफर गरिएको  जिल्ला प्रहरी कार्यालय ताप्लेजुङले जनाएकोछ ।