ताप्लेजुङ गोल्डकप : रेडहर्षद्धारा गोर्खा स्पोर्टिङ पराजित



ताप्लेजुङ । प्रथम ताप्लेजुङ गोल्डकपको दोश्रो दिन आज रेडहर्ष फुटबल क्लब इलामले गोर्खा स्पोर्टिङ क्लब दमक, झापालाई पराजित गरेको छ । रेडहर्षले गोर्खा स्पोर्टिङलाई २-० को गोल अन्तरले पराजित गरेको हो । यो सँगै रेडहर्षले सेमिफाईनलको यात्रा तय गरेको छ । 

लाखोजात्राका अवसरमा लाखेजात्रा सञ्चालन समिति तथा जिल्ला फुटबल संघ ताप्लेजुङको संयुक्त आयोजनामा भएको बिहीबारबाट सुरु भएको गोल्डकप अन्तर्गत आज क्वाटर फाइनल अन्तर्गतको दोश्रो खेल भएको हो । 

बिहीबारको पहिलो खेलबाट जुट विकास फुटबल क्लब सुनसरी सेमिफाइनलमा पुगिसकेको छ । विजेता रेडहर्ष फुटबल क्लब क्लबले भदौ १९ गते फाइनल यात्राका लागि आउँदो आइतबार हुने भारत दार्जिलिङको खर्साङ फुटबल क्लब र झापा बिर्तामोडको रेडस्टार फुटबल क्लबको विजेता संग भिड्ने छ । 

यो खेलको विजेता पनि सेमिफाइनल पुग्ने छ । शनिवार सेमिफाइनल पुग्ने तेस्रो टोलीको निर्णयका लागि पाँचथरको फिदिम स्पोर्टिङ क्लब र मोरङ पथरीको पथरी स्पोर्टिङ क्लब भिड्ने छन् । आइतवारको खेल सकिएसँगै सेमिफाइनल पुग्ने ४ वटै टोलीको टुङ्गो लाग्ने छ ।

४ दिनसम्म सञ्चालन हुने क्वाटरफाइनल अन्तर्गतका ४ ओटा खेलका लागि प्रतिव्यक्ति १ सय रुपैयाँ टिकट दर निर्धारण गरिएको आयोजकले जनाएको छ । भदौ १८ र १९ गते सेमिफाइनलका लागि भने २ सय र फाइनलको लागि २ सय ५० रुपैयाँ टिकट शुल्क तोकिएको बताइएको छ ।

दर्शकहरूलाई बस्नको लागि बाँसको प्याराफिट निर्माण गरिएको छ । वि.सं. २०२९ सालदेखि लाखेजात्राको अवसरमा निरन्तर खेल सञ्चालन भएपनि विगत ३ वर्ष भने स्थगित भएको थियो । २ वर्ष कोरोना संक्रमणका कारण र १ वर्ष खेलमैदान अभावका कारण खेल सञ्चालन गर्न नसकिएको आयोजकको भनाई रहेको छ ।

प्रतियोगिताको विजेता र उपविजेताले क्रमश नगद रु तीन लाख ११ हजार एक सय ११ र एक लाख ११ हजार एक सय ११ सहित ट्रफी, मेडल र प्रमाणपत्र प्राप्त गर्नेछन् ।

लाखेजात्रासँगैको खेलकुदका माध्यमबाट जिल्लाको पर्यटन प्रवर्द्धन गर्ने, बजारलाई चलायमान बनाउने, नयाँ प्रतिभाको खोजी गर्ने, अग्रजको सम्मान र इतिहासलाई बचाइराख्ने उद्देश्यका साथ प्रतियोगिताको आयोजना गरिएको अध्यक्ष गुरुङले बताउनुभयो ।

प्रकाशित मिति : १५ भाद्र २०८०, शुक्रबार  १ : ५० बजे

ताप्लेजुङमा दुई चरणमा आईपिभि खोप प्रदान गरिँदै, साढे छ हजार बालबालिका लाभान्वित हुने

साहारा लङ्वा लिम्बू ताप्लेजुङ । भोलिदेखि देशैभर सुरुहुने आईपिभि खोप

ताप्लेजुङबाट झापातर्फ प्रस्थान गरेको सवारी दुर्घटनामा एकको ज्यान गयो

पाँचथर – मेचीराजमार्ग अन्तर्गत हिलिहाङ ७ हेवाखोल नजिक शुक्रबार साँझ सवारी दुघर्टना

कोरोना भाइरसका कारण बन्द भएको टिपताला नाका पाँच वर्षपछि खुल्यो

ताप्लेजुङ । नेपाल र चीनको स्वशासित क्षेत्र तिब्बतको सिमाना टिपताला

ताप्लेजुङको फुङलिङमा प्राकृतिक रुपमा उम्रिएका गाँजा नष्ट गरियो

साहारा लङ्वा लिम्बू ताप्लेजुङ । ताप्लेजुङको फुङलिङमा प्राकृतिक रुपमा उम्रिएका

शान्ति आधारभुत विद्यालयका बिद्यार्थीहरुलाई ट्रयाक सुट र झोला वितरण

ताप्लेजुङ । फुङलिङ नगरपालिका २ स्थित शान्ति आधारभुत विद्यालयका विद्यार्थीहरुलाई