ताप्लेजुङ । नेपाल लोकतान्त्रिक आदिवासी जनजाति महासंघ ताप्लेजुङले ताप्लेजुङ जिल्ला अस्पतालका बिरामीलाई फलफूल बितरण गरेको छ । २९ औं विश्व आदिवासी जनजाति दिवसको अवसरमा बुधवार महासङ्घले फलफूल बितरण गरेको हो ।
महासङ्घका जिल्ला अध्यक्ष गजेन्द्र थलङका अनुसार अस्पतालमा रहेका १९ जना बिरामीलाई शीघ्र स्वास्थ्य लाभको कामना सहित फलफूल बितरण गरिएको छ।
एमाले जिल्ला उपसचिव तथा आठराई त्रिबेणी गाउँपालिका अध्यक्ष दीपेन्द्र पोमू (दीपेन), एमाले जिल्ला उपसचिव मणिशंकर पोमू, जिल्ला सचिवालय सदस्य सन्तोष प्रसाईँ, सिरिजङ्गा गाउँपालिका कमिटी अध्यक्ष सन्तोष चाम्लिङ, मिक्वाखोला गाउँपालिका कमिटी अध्यक्ष दिवस लिवाङ, नेपाल किसान महासङ्घका अध्यक्ष भगिमान सुनुवार, अनेरास्ववियुका जिल्ला अध्यक्ष मिङ्मा शेर्पा सहितका नेताहरूको उपस्थितिमा फलफूल बितरण गरिएको हो ।
सन् १९८२ अगष्ट ९ तारेखका दिन संयुक्त राष्ट्रसंघको महासभामा आदिवासी सम्बन्धी कार्यदलको पहिलो बैठक बसेको सन्दर्भलाई लिएर हरेक वर्षको ९ अगष्टका दिन यो दिवस मनाउने गरिन्छ । दिवसको अवसरमा आज कोशी प्रदेश सरकारले सार्वजनिक बिदा दिएको थियो ।
प्रतिक्रिया