पाँचथर । मेची राजमार्ग अन्तर्गत पाँचथरको हिलिहाङ गाँउपालीको भारपामा ट्याक्टर दुर्घटनामा परी दुई बालिकाको मृत्यु भएको छ । मे. १ त. २९६१ नम्बरको ट्याक्टर दुर्घटना १३ बर्षिया पुजना सुवेदी र ९ वर्षीय गंगा सुवेदीको मृत्यु भएको हो ।
उनीहरु एकै घरका दिदी बहिनी रहेको स्थानियहरुले जनाएका छन् । मृतक पुजना र गंगा हिहिहाङ ७ मा रहेको भवानी मा.बि. मा अध्ययन गर्ने स्थानियहरुले बताएका छन् । पुजना कक्षा ८ र गंगा कक्षा ४ मा अध्ययनरत थिए ।
उनीहरु ट्याक्टरबाट झरेपछि ट्याक्टरले किचेर मृत्यु भएको प्रहरीले जनाएकोछ । उनीहरूको मृत्यु भएपछि चालक भाग्दा ट्याक्टर दुर्घटना भएको थियो । चालक भग्दा डालीमा बालुवा माथि बसेका दुई जना विद्यार्थी घाईते भएका छन् ।
घाइतेको पाँचथर जिल्ला अस्पतालमा उपचार भइरहेको छ । ट्याक्टरमा ११ जना विद्यार्थी चढेका थिए । तिव्र गतिका कारण विद्यार्थी ट्याक्टरबाट झरेको अनुमान गरिएको छ । ट्याक्टरका चालक तथा सहचालक फरार रहेका छन् ।
प्रतिक्रिया