ताप्लेजुङ, असार २६ गते । राष्ट्रिय स्वतन्त्र पार्टी (रास्वपा) जिल्ला समिति ताप्लेजुङले पार्टीको प्रवक्ताको जिम्मेवारी लिला प्रसाद पौडेललाई प्रदान गरेको छ । पार्टीले जिल्ला सचिव पौडेललाई प्रवक्ताको जिम्मेवारी प्रदान गरिएको हो ।
बिहीबार बसेको जिल्ला समिति बैठकको निर्णयअनुसार पौडेललाई प्रवक्ताको जिम्मेवारी प्रदान गर्ने निर्णय गरिएको जिल्ला समिति सभापति राजन कुमार गुरुङले जानकारी दिनुभयो । नयाँ जिम्मेवारीसँगै पौडेलले अब जिल्ला समितिको आधिकारिक धारणा सार्वजनिक गर्ने, सञ्चारकर्मीसँग समन्वय गर्ने तथा पार्टीका कार्यक्रमबारे जानकारी प्रवाह गर्ने भूमिका निर्वाह गर्नुहुनेछ ।
राष्ट्रिय स्वतन्त्र पार्टीले पछिल्लो समय जिल्ला सङ्गठनलाई थप सक्रिय र व्यवस्थित बनाउने अभियान सञ्चालन गरिरहेको छ । सोही अभियानअन्तर्गत विभिन्न जिल्लामा जिम्मेवारी हेरफेर तथा थप गर्ने क्रम जारी रहेको जनाइएको छ ।
प्रतिक्रिया