ताप्लेजुङ, असार ११ गते । ताप्लेजुङका जेहनदार विद्यार्थीलाई शैक्षिक सामाग्री वितरण गरिएको छ । दौँतरी नेपालको सहयोगमा ताप्लेजुङ विकास मञ्चले जेहनदार विद्यार्थीलाई सामाग्री वितरण गरिएको हो ।
मञ्चका अध्यक्ष सन्तोष प्रसाईँका अनुसार ताप्लेजुङका ६ ओटा विद्यालयका शोधार्थीलाई शैक्षिक सामाग्री बितरण गरिएको छ । उहाँका अनुसार छ ओटा विद्यालयका दुई सय ३ जना विद्यार्थीलाई शैक्षिक सामाग्री वितरण गरिएको हो । जिल्ला समन्वय समितिका प्रमुख छिरिङ लामा दौँतरी नेपालका अध्यक्ष सम्पन्न स्थापितको उपस्थितिमा सामाग्री वितरण गरिएको अध्यक्ष प्रसाईको भनाइ छ ।
मञ्चका अनुसार सिरिजङ्घा गाउँपालिका १ का भगवती आधारभुत विद्यालय, सिद्देश्वरी मावि डुम्रिसे, महेन्द्र आबि खेबाङ, सुर्यदेवी माबि मेरिङदेन, तुलसी आधारभुत विद्यालय फुक्ताङलुङ र भगवती आधारभुत विद्यालय फक्ताङलुङका विद्यार्थीलाई शैक्षिक सामाग्री वितरण गरिएको हो।
विगत ७ वर्ष अगाडि देखि निरन्तर दौँतरीको सहयोगमा मञ्चले शैक्षिक सामाग्री बितरण गरिरहेको छ । सुरुवात चरणमा १ सय ५० जना विद्यार्थीलाई शैक्षिक सामाग्री बितरण गरिएको थियो । ग्रामीण क्षेत्रका विद्यार्थीलाई गुणस्तरीय शिक्षा प्रदान गर्ने उद्देश्यले हरेक वर्ष शैक्षिक सामाग्री वितरण गर्दै आइरहेको मञ्चले जनाएको छ ।
मञ्चले प्रत्येक विद्यार्थीलाई ट्रयाक सुट झोला जुत्ता अभ्यास पुस्तिका सिसा कलम बितरण गरेको छ ।
प्रतिक्रिया