ताप्लेजुङ, माघ २४ गते । ताप्लेजुङमा १६ औँ राष्ट्रपति रनिङ शिल्ड अन्तरपालिका स्तरीय प्रतियोगिता सुरु भएको छ । जिल्लाको सिदिङवा गाउँपालिकास्थित साब्लाखुको टावर डाँडामा निर्मित रङ्गशालामा सुरु भएको हो ।
जिल्ला खेलकुद विकास समिति ताप्लेजुङले सिदिङबा गाउँपालिकाको आर्थिक सहयोगमा प्रतियोगिता सुरु भएको हो । आगामी माघ २६ गतेसम्म जारी रहने प्रतियोगिता कोशी प्रदेश पूर्वमन्त्री तथा प्रदेश सभा सदस्य तिलकुमार मेन्याङको प्रमुख आतिथ्यतामा सुरु भएको छ ।
शुक्रबार भएको उद्घाटन सत्रमा विभिन्न जातजाति झल्कने नृत्यु सहित केन्जो फुलको प्रतिमालाई अनावरण समेत गरिएको छ । विषश गरी सिदिङ्वा गाउँपालिकाले केन्जो फुल राजधानि बनाउनका लागि पहल पनि अघि सारेको छ । सिदिङ्वा गाउँपालिकामा धेरै केन्जो फुल पाइन्छ ।
६६ स्वर्ण, ६६ रजत र ७० काश्यका लागि जिल्लाका नौ ओटा स्थानीय तहबाट छनोट भएका उत्कृष्ट खेलाडीहरूलाई सहभागिता गराइएको छ । ग्रामीण भेगमा केन्द्रीकृत गरिएको प्रतियोगिता २०७९ सालदेखि खेलकुद विकास समितिले फरक फरक पालिकामा सञ्चालन गर्दै आइरहेको छ । यहाँबाट विभिन्न विधामा छनोट भएका उत्कृष्ट खेलाडीलाई प्रदेश स्तरीय प्रतियोगितामा सहभागी गराइने अध्यक्ष नरेन्द्रकुमार लिम्बू ९गणेश०ले बताउनु भएको छ ।
प्रतियोगितामा सहभागिताका लागि करिब ११ सय बढी खेलाडी तथा अफिसियल साब्लाखुमा केन्द्रीकृत भएका छन् । उद्घाटन समारोहमा विभिन्न पालिकाका अध्यक्ष, उपाध्यक्ष लगायतका जनप्रतिनिधि, पालिकाका कर्मचारी, स्थानीयको उपस्थिति रहेको थियो । कार्यक्रममा विभिन्न समुहले विविध जातजातिका नृत्य तथा खेलाडीहरूले मार्च पास प्रस्तुत गरेका थिए ।
प्रतिक्रिया