ताप्लेजुङ । ताप्लेजुङको मेरिङदेन गाउँपालिकामा जारी प्रथम लिङ्तेप गोल्डकपमा साथीभाई सामाजिक युवा क्लब फुङलिङ र कुम्मायक कुसायक स्र्पोटिङ क्लब पाँचथर सेमिफाइनलमा प्रवेश गरेका छन् । आईतबार भएको पहिलो खेलमा पुवाजुङ फुटबल क्लब इलामलाई २–० ले हराउँदै साथीभाई सामाजिक क्लब अन्तिम चारमा स्थान सुरक्षित गर्न सफल भएको हो । उक्त खेलको म्यान अफ द म्याच साथीभाईका जमिन लक्षम घोषित हुँदै पुरस्कृत हुनुभयो ।
त्यस्तै दोस्रो खेलमा पृथ्वी तथा लेस्नमाया स्मृति युवा क्लब खाम्लुङलाई ५–२ गोल अन्तरले पराजित गर्दै कुम्मायक कुसायक पाँचथर सेमिफाईनलको याात्रा तय गर्न सफ भएको छ । उक्त खेलको म्यान अफ द म्याच कुम्मायक कुसायकका लोकेन्द्र थापा घोषित हुँदै पुरस्कृत हुनुभयो । प्रतियोगिता अन्तर्गत माघ १२ गते सोमबार दुवै सेमिफाइनल खेलहरु हुनेछन् ।
पहिलो सेमिफाइनल अन्तर्गत पहिलो खेलमा साथीभाई युवा क्लबले लालीमा क्लब ढुङ्गेसाँघुसँग खेल्नेछ । त्यस्तै दोस्रो सेमिफाइनल खेलमा कुम्मायक कुसायले आयोजक प्रगतिशील युवा क्लब (रातो) सँग प्रतिस्पर्धा गर्नेछ । प्रगतिशील युवा क्लब, मेरिङ्देन–४, लिङ्तेपको आयोजनामा जारी प्रतियोगिताकोे बिजेता टीमले नगद ३ लाख २ हजार ८२ र उपबिजेता हुने टीमले नगद १ लाख ५२ हजार ८२ सहित ट्रफी, मेडल र प्रमाणपत्र प्राप्त गर्ने क्लबका अध्यक्ष बिजय हाङ्गामले बताउनु भयो ।
प्रत्येक खेलको म्यान अफ द म्याच हुने खेलाडीलाई नगद दुई हजार पुरस्कार प्रदान गरिनेछ । त्यस्तै प्रतियोगिताको उत्कृष्ट गोल किपर, उत्कृष्ट डीफेन्डर र सर्बाधिक गोलकर्तालाई जनही ४ हजार रुपैयाँ र प्रतियोगिताको उत्कृष्ट खेलाडीलाई नगद ८ हजार रुपैयाँ प्रदान गरिनेछ । फुटबलको माध्यमबाट मेरिङदेनमा रहेका पर्यटकिय क्षेत्रको प्रचारप्रसार गर्ने उदेश्यले गोल्डकपको आयोजना गरिएको आयोजकले जनाएको छ । प्रतियोगिताको फाईनल खेल भने माघ १३ गते हुनेछ भने प्रतियोगिता संचालन गर्न करिब ११ लाख रुपैयाँ लाग्ने अनुमान गरिएको क्लबका अध्यक्ष हाङ्गामले बताउनु भयो ।
प्रतिक्रिया