रेडियो काबेली
ताप्लेजुङ । ताप्लेजुङ सेवा समाज मलेसियाले उत्कृष्ट कार्य गर्ने दुई पदाधिकारीलाई सम्मान गरेको छ । ताप्लेजुङ सेवा समाज मलेसियाले सन् २०२५ मा उत्कृष्ट कार्य गर्ने दुई जना पदाधिकारीलाई पाँच हजार रुपैयाँ सहित सम्मान पत्रले सम्मान गरेको हो ।ताप्लेजुङ सेवा समाज मलेसियाको केन्द्रिय कार्य समिती मलेसियाका कोषाध्यक्ष मनकुमार धमला र ताप्लेजुङ सेवा समाज नेपालका सचिब मनि कुमार लिम्बुलाई सम्मान गरिएको हो । संस्थामा रहेर अनुशासन र ईमानदारीताका साथ काम गरेको भन्दै उहाँहरुलाई “बेष्ट अफ द ईयर” को रुपमा हौसला स्वरुप सम्मान गरिएको ताप्लेजुङ सेवा समाज मलेसियाका अध्यक्ष दिपक नेपालीले बताउनुभयो ।
यस अघि ताप्लेजुङ सेवा समाज मलेसियाले बिरामी, प्राकृतिक प्रकोपमा परेका व्यक्ति तथा परिवारलाई सहयोग गर्नुका साथै विशेष गरि कोरोना भाईरसको समयमा जिल्लाका ६१ वटाका स्वास्थ्य चौकीमा गाउँपालिका अध्यक्षको रोहबरमा स्वास्थ्य सामाग्री हस्तारण गरिएको समाजले जनाएको छ । ताप्लेजुङ सेवा समाज मलेसिया ताप्लेजुङ जिल्लामा जन्मिएर हाल मलेसियामा रोजगारीका शिलशिलामा पुगेका प्रवासीहरुको संस्था हो ।
प्रतिक्रिया