ताप्लेजुङ, पुस ११ गते । दोश्रो पदम बहादुर गुरुङ स्मृति फुटबल प्रतियोगिता आजबाट सुरु भएको छ । तमू ल्होसरको अवसरमा आयोजित प्रतियोगिताको उद्घाटन फुङलिङ नगरपालिकाका प्रमुख अमिर मादेनको प्रमुख आतिथ्यता र उपप्रमुख भिमादेवी ओझाको विशिष्ट आतिथ्यतामा सुरु भएको हो ।
तमु जातिहरूको महान पर्व तमु ल्होसारको अवसरमा आयोजित प्रतियोगितामा आज दुई खेल भएका छन् । फुङ्लिङ नगरपालिका ६ स्थित लक्ष्मीटारमा आज भएको पहिलो खेलमा आयोजक ’ए’लाई ४ –० ले हराउँदै साथीभाइ युवा क्लबले जित निकालेको ।
त्यस्तै दोस्रो खेलमा कर्णसिंह सोनाम स्मृति क्लबलाई ५ –० गोलअन्तरले पराजित गर्दै गोर्खाली युवा क्लब मेलुङले विजयी सुरुवात गरेको छ । १४ टिम सहभागी प्रतियोगिताका अन्य खेलहरू भोलि बिहान १० बजेबाट सुरु हुने आयोजकले बताएको छ ।
प्रतियोगिताकाको फाइनल खेल तमु ल्होसारको दिन पुष १५ गत हुने छ । विजेताले नगद १ लाख १५ हजार र उपविजेताले नगद ७५ हजार रुपैयाँ प्राप्त गर्नेछन् । साथै विभिन्न विधामा उत्कृष्ट बन्ने खेलाडीलाई समेत उचित नगद पुरस्कार व्यवस्था गरिएको बताइएको छ ।
प्रतिक्रिया