ताप्लेजुङ, मंसिर १४ गते । ताप्लेजुङको फुङलिङ नगरपालिका–३ केनेमका आगलागी पीडितलाई नेपाल शेर्पा सङ्घ जिल्ला समन्वय समिति ताप्लेजुङले राहत प्रदान गरेको छ । संघले आगलागी पीडितलाई शनिबार राहत सामग्री प्रदान गरेको हो ।
शुक्रबार राति आगलागी हुँदा क्षदारे शेर्पाको घर जलेर नष्ट भएको थियो । आगलागी विद्युत सर्ट भएर लागेको थियो । आगलागी पीडित शेर्पालाई सङ्घले चामल, कपडा, डसना, सिरक, त्रिपाल लगायतका २० हजार रुपैयाँ बराबरको राहत सामग्री प्रदान गरेको सङ्घका अध्यक्ष दावा शेर्पाले जानकारी दिनुभयो ।
आगलागीबाट पीडित भएको परिवारलाई सान्त्वना स्वरुप राहत प्रदान गरिएको अध्यक्ष शेर्पाको भनाई छ । आगलागीबाट ७ लाख २० हजार बराबरको क्षति भएको छिमेकी लाक्चुङ शेर्पाको भनाई छ ।
प्रतिक्रिया